كتب- أحمد عبد العليم
هاجمت الفنانة مريم سعيد صالح، اليوم السبت، تصريحات الدكتور أشرف زكي، عن الفنانة حلا شيحة، بعد أزمتها مع الفنان تامر حسني بسبب كليب أغنية ” بحبك” من فيلمهما “مش أنا”.
وكتبت ابنة سعيد صالح على حسابها الرسمي بموقع التواصل الاجتماعي “فيس بوك”: “و لما هي أصلا مشطوبة من النقابة اشتغلت إزاي بأدوار بطولات آخر سنتين تلاتة بصراحة مش لاقية مبرر.. بس فعلا علامات الاستفهام كل يوم بتكتر قدامي ومبقتش عارفة أنا ليه تعبت ودرست وخدت كارنيه ومطلوب مني أدفع إشتراك وأمشي بالأوراق المظبوطة مدام الحكاية بالحب أنا زعلانة وحزينة بجد لأن ناس بتاخد فرص وناس قاعدة تاكل قرص قهر ومنسيين ومتهمشين”.
وكان معز مسعود هاجم الفنان تامر حسني ردا على كلام زوجته حلا شيحة، حيث قال عبر حسابه الشخصي على «فيس بوك»: «فنوننا وثقافتنا وهويتنا يقدروا يتقابلوا.. أنا بدأت أعمل ده في أعمالي الفنية وفيلمي (اشتباك) افتتح في مهرجان كان.. وفيلمي القادم رايح مهرجان ڤينيسيا قريب»، متابعًا: «هنقدر ناخد أنا وأنتِ خطوات أكبر وأمثل على الطريق العظيم ده اللي هتعرف قيمته الأجيال الجاية».
وقال عن غضب زوجته من كليب «بحبك»: «قادر أفهم انزعاجك نتيجة مرور وقت كبير على تصوير الفيلم ده بسبب كورونا، وإن حياتك اتغيرت زي ما إنتِ قولتي في البوست بكل احترام.. قادر كمان أفهم انزعاجك من التركيز على المشاهد دي وتجميعها رغم الوعد الشفهي بتجنب ذلك من صناع العمل (الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي)، خصوصا مع نزول الكليب في توقيت له قدسية كبيرة بالنسبة لنا».
وكانت حلا شيحة نشرت منشورًا، عبر حسابها الرسمي بموقع تبادل الصور والفيديوهات “انستجرام”، قائلة: “أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجأت أكتر خاصة بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكد لي إنه هيحترم رغبتي”.
وتابعت: “إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى”.
