كتب- أحمد عبد العليم
نشرت هند ابنة الفنان الراحل سعيد صالح، اليوم الاثنين، بوست جديد لها، على حسابها الرسمي بموقع التواصل الاجتماعي “فيس بوك”.
وكتبت هند سعيد صالح: من يوم ما فتحت عيني على الدنيا، ماعرفش غيره توأم روح لبابا، مش صاحب مش أخ.. توأم روح، شوفته في بيتنا أكتر ما شوفته برة البيت.
وتابعت هند سعيد صالح: من يوم وفاة بابا، وهو مش في طبيعته، والقريب منه عارف ده، آخر مرة اتقابلنا قبل تعبه، كنت بسأله أعدي عليك أخدك الساعة كام؟، قالي ماتتعبيش نفسك يا دودو.. سعيد هيعدي عليا.
وأضافت ابنة سعيد صالح: سكت شوية وسألته.. أنهي سعيد يا عمو؟.. قالي سعيد صالح يا غلباوية، وسكت شوية، وافتكر أن بابا مات من سبع سنين، وقالي أنا آسف يا دودو، قصدي جمال عبد الحميد؛ جايلي في الطريق.
واختتمت ابنة سعيد صالح: أنا بحبك أوي أوي، من رحمة ربنا عليك وكرمه أنك ارتحت والله، وأنا وجعي زاد، لأن أبويا مات تاني النهاردة.
