كتبت – رضوى مصطفى
استضافت الاعلامية ايمان الحصري الفنانة هبة مجدي في برنامجها مساء دي إم سي، كشفت الفنانة هبة مجدي كواليس مسلسل المداح3 أسطورة العشق، كما كشف عن طقوسها في عيد الأضحى خاصة بعد إنجابها.
وقالت العيد وأنا أم مختلف وأنا صغيرة والأمومة ليها طعم، ودهب بنتي بتحب العيد وحماتي بتحب تاخدها الصلاة وبتستنى العيد وعارفة قيمة العيد، وعيد الأضحى بيبقى فيه قرب من ربنا والملايكة بتبقى حوالينا وبنحس بإحساس مختلف.
وتحدثت عن حب الجمهور لها وتفاعلهم معها وقالت: حب الناس ليا نعمة وده اللي بيخلي الواحد متواصل في عمله، ومش بتعمد أعمل حاجة معينة عشان أقرب من الجمهور.
هبة مجدي: حاسة إني خرجت من مسلسل المداح بعفاريت في البيت
كما تطرقت بالحديث عن كواليس مسلسل المداح وقالت: الحلقات الأخيرة من مسلسل المداح أثرت فيا وكنت بقعد أعيط وقعدت شوية العمل مأثر فيا، ومود المسلسل وأماكن التصوير كانت مرعبة، وحاسة إني خرجت من مسلسل المداح بعفاريت في البيت.
