كتبت- دعاء رسلان
حظى قرار الرئيس عبد الفتاح السيسي بشأن زيادة سعر رغيف الخبز، وحكام ضوابط توزيع الدعم لمستحقيه، بترحيب وتضامن كبير من المواطنين، حيث نوه الرئيس السيسي بأنه حان الوقت لزيادة سعر رغيف الخبز، قائلاً: “حان الوقت أن رغيف العيش يزيد ثمنه، مش معقول أدي 20 رغيف بثمن سيجارة، هذا الأمر يجب أن يتوقف، مش هقول إننا هنزوده أوي ولكن هذا الأمر يجب أن يتوقف”.
ويستعرض “الموقع” أبرز ردود أفعال المواطنين على قرار زيادة سعر رغيف الخبز.
وكتب شريف جلهوم على حسابه على موقع التواصل الاجتماعي “فيس بوك”: “أنا معاه مش نفاق والله بس أنا فعلا ده مجال شغلي..ورغيف العيش بيكلف الدولة 60 قرش وبيحصل سرقة فيه في حدود 20%، في حين أن تم بالفعل تخفيض حصص للمخابز من سنتين بحدود 10%”.
وعلقت شيرين حمدي، إحدى رواد “فيس بوك”: “أنا لغاية النهاردة بشوف وبسمع عن ناس بتاخد العيش المدعم وبيبيعوه في السوق علف للمواشي والطيور للأسف يا ريت حتى بيأخدوا يأكلوا ويبيعوا اللي بيبقى منهم لا ده بيأخدوه سليم و يبيعوه يبقى حرام ولا حلال”.
وكتبت ناهد إبراهيم، إحدى رواد فيس بوك: “كلام سليم جدا.. فيه ناس اشتغلت رفض وتسخين وخلاص.. ولغاية إمتى هنقول قرار خاطئ وتوقيت غير مناسب.. لازم الناس تعرف قيمة الدعم لرغيف العيش ويرشدو استهلاكهم.. وفيه رأي.. في بطاقة التموين بيأخد الفرد 150 رغيف في الشهر حتى لو طفل لسه مولود.. وأظن مفيش طفل هيأكل 5 أرغفة يا ريت يقتصر الدعم للأطفال لسن معين وبكده هنوفر ولو جزء بسيط.. ربنا يعين الرئيس والبلد”.
وعلقت نشوى سلامة: “يا ريت يلغي علشان الناس تقتصد في أكلها وتوفر صحتها مش توفر أكلتها وتبقى جعانة زي ماهم فاكرين”.
