كتب – أحمد عبد العليم
قال المستشار مرتضى منصور، رئيس نادي الزمالك، إن قبل ما نتكلم في ماتش النهاردة هو مين اللى شغال على عند مين، حازم إمام وجمال علام، وكلاتنبرج، أنا عايز أقوله أنا مش طايق أمك وياريت ترجع بلدك، وحاطط رجل على رجل في وش مين، حازم إمام قاعد تلميذ وجمال علام قاعد مرعوب.
وأكد المستشار مرتضى منصور رئيس نادي الزمالك: «الناس كانت بتحط صورة الشعراوي ويقولوا كل 100 سنة بييجي واحد بيعلم الدين، وحاطين صورتي وبيقولوا كل 100 سنة بييجي واحد ينسي الناس الدين، عيال دمهم خفيف».
وأضاف المستشار: «مبعرفش أنام غير على صوت الشيخ محمد رفعت وعبدالباسط عبدالصمد».
سخر مرتضى منصور رئيس نادي الزمالك من موقف محمود عبد المنعم كهربا لاعب النادي الأهلي بسبب عودته للمشاركة في المباريات.
وقال مرتضى منصور في تصريحات عبر قناة نادي الزمالك ساخرا: قالوا ان كهربا سيلعب ضد المصري، فعلا كان أفضل لاعب في المباراة.
وأضاف: سأمنحك مهلة أخيرة ياكهربا 6 أيام وهناك جلسة يوم 2 فبراير المقبل، لن ينفعك أحد، مستعد لتقسيط الغرامة ولكن تعالى أولا وصور فيديو 3 دقائق وقول أن نصا “انا فلان الفلاني ومن حرضك للرحيل”.
وأكمل:”انقذ نفسك يابني ولا عرفت أن الأسطورة مزيفة؟ لدي بيان بكل ممتلكاتك وضحكوا عليك وقالولك هتلعب تاني وأنا أعطيك الفرصة الأخيرة.
