تواجه مدينة نور التي أعلنت عنها مجموعة طلعت مصطفى موجة من السخرية من رواد مواقع التواصل الاجتماعي.
وفي بوست نشره أحد المواطنين على موقع التواصل الاجتماعي”فيسبوك”: انا نفسى انا كمان انبهر معاكم وانتهز الفرصة اللى انتوا هاتقببوا بيها على وش الدنيا دى بس مش لاقى.
وتابع المواطن: سعر المتر على 15 سنة 26500 جنية سعر المتر كاش 10500 جنية
واضاف :موقعها، المرحلة الاولى فقط تبعد ٢٧ كيلو عن منطقة الاعمال المركزية CBD مع العلم ان مشروع مدينتي يبعد عن مدينه نصر ٣٠ كيلو تخيل المسافة عشان تحكم العائد الاستثمارى.
وتابع: ودة سؤالى بقى اية الابهار فى الموضوع والدوشة دى كلها على اية؟، اية المبهر انى اشترى شقة قد العشة حوالى 80 متر وادفع فيها فوق ال2 مليون جنية دة بالمناسبة لسة فى اشتراك النادى والصيانة وشوية التحابيش المعروفة.
واضاف المواطن: طب جميل، المرحلة الاولى تسليمها بعد 5 سنين يعنى انا اطلع من جيبى فى حدود المليون جنية جدعنة بدون اى عائد عشان خاطرر اية مش فاهم!، فى حين ان انا فى ال5 سنين دول اكون اشتريت شقة ضعف المساحة فى اماكن فى التجمع اقرب بكتير للعاصمة وفى نفس الوقت اقرب لكل حاجة انا هاحتاجها من خدمات وحياة ودنيا.
وتابع صاحب البوست: انا فعلا مش لاقى اى حاجة فيها ابهار لحد دلوقتى ده مستاهل الدوشة دى غير ان احنا شعب بيحب الزيطة وخلاص .