دعم الفنان أحمد حلمى فريق منتخب مصر لكرة القدم سيدات عبر صفحته الرسمية على موقع التواصل الاجتماعى “فيسبوك” ، وذلك بعد تعرضهم للتنمر من قبل البعض.
وقال حلمي: “دول فريق البنات المصري لكرة القدم .. من كام يوم قريت كلام فيه تنمر عليهم.. الكلام جايز يضايق .. بس انا متأكد انه ممكن يضايق المحبطين واصحاب النفوس الضعيفه او اللي معندهومش ثقه في نفسهم.
وأضاف: “البنات دول لا محبطين ولا نفوسهم ضعيفه ومعندهمش غير ثقتهم في نفسهم اللي بتخليهم يبتدوا الحياه وكلهم امل وحلم في انهم يحققوا فوز او نصر لفريقهم او لبلدهم”.
وتابع حلمي: “شجعوهم وقوهم لانكوا مش هتعرفوا لا تكسروهم ولا تكرهوهم في الحياه لانهم فاهمين المعني الحقيقي للحياه واحترام الاخر اكتر من اي حد اتريق او اتنمر عليهم”.
