كتب- أحمد عادل
حكت الإعلامية نجوى إبراهيم عن فنانة كانت تستعين بماء البصل حتى تتمكن من البكاء في المشاهد التي كانت تستدعي ذلك.
وقالت الإعلامية نجوى إبراهيم في برنامجها “بيت العز” عبر إذاعة وقناة “نجوم FM: “زمان كان فيه ملكة الدموع مش هقدر أقول اسمها هتبقى فزورة، هي عندها أفلام جميلة جدا واتوفت من كام سنة، كانت بتعمل حاجة لذيذة أوي، لازم في أي حاجة فيها حزن تعيط، وتحط مايه بصل”.
وتابعت الإعلامية نجوى إبراهيم: “كانت الست اللي بتساعدها يكون معاها طبق صغير فيه مايه بصل، تاخد في طرف صوبعها مايه البصل وكأنها بتمسح عينها تحط مايه البصل، فتبدأ شلالات الدموع”.
واستعادت الإعلامية نجوى إبراهيم ذكرياتها مع فيلم “الأرض” وكيف تمكن الفنان الراحل محمود المليجي من البكاء دون أي عوامل مساعدة قائلة: “تجربتي أنا مع محمود المليجي في فيلم “الأرض” في المشهد قاعدين تحت الشجرة في الفيوم هو المفروض خارج من السجن بعد ما حلقوا شنبه، بتجري “وصيفة” اللي هي أنا أشوفه، لقيت اللي كان لسه قاعد بيضحك ويهزر قبل التصوير الدموع بتنط فوق الرمش وملاحظة أنه محطش لا بصل ولا جلسرين”.
يعرض برنامج “بيت العز” يوم الخميس من كل أسبوع، من الساعة الواحدة إلى الثانية ظهرا.
