تجاهل العملاء واتهامات بطلب أجر للخدمة.. غضب يجتاح رواد السوشيال ميديا من بنك “المصرف المتحد” ومطالبات بتدخل الجهات المسؤلة
سادت حالة من الغضب والاستياء بين رواد السوشيال ميديا وخاصة مستخدمي موقع التواصل الاجتماعي فيسبوك، على إدارة بنك المصرف المتحد لعدم اهتمامهم بالعملاء وتجاهلهم بشكل ملحوظ، بينما اتهمهم البعض بطلب أجر مقابل الخدمة.
وقال أحد عملاء البنك من مستخدمي موقع التواصل الاجتماعي فيسبوك، أن أحد موظفي البنك طلب منه رشوة لإنجاز العمل، وطالب العميل تدخل البنك المركزي.
واستاء العملاء من عدم استجابة موظفي خدمة العملاء لهم وعدم الرد على تلفوناتهم، وجاءت التعليقات كالتالي:
“أسوأ خدمة عملاء في أسوأ بنك، أتصل ميردوش واقعد 40 دقيقة انتظار، عشان أشوف مشكلة انكم واخدين فلوسي منتهى الاستهتار”.
وقال عميل آخر، “كملت ساعة وخمس دقائق دولي والخط اتقفل، مين يحاسب علي الكلام ده يا مدير عام البنك؟”
مستني ردك الشخصي على المهزلة دي ورد فعلك يكون علي الملأ ، من غير شكرا.
ردو على خدمة العملاء أرجوكم.
وقال آخر، “اتصلت على خدمة العملاء 4 مرات وكل مرة 20 دقيقة انتظار ومحدش بيرد.
خدمه سيئه جدا و معاملات تليفونيه سيئه واطول فتره انتظار مع انقطاع الاتصال بعد ساعات مش عارفه ده إيه… ولا يوجد مرعاة للشكاوي”.
انتو مستفزين 3 مرات على تلفون كل مرة متوسط نص ساعة وبسمع أغنية سخيفة مفروضة علينا لما صدعت”.
بينما قال أحد العملاء، “ممكن نعرف إزاي نتواصل مع خدمة العملاء، بجد مش كدا محدش بيرد وهيضيع عليا يوم مهم في حياتي بسببكم”.
بينما قال أحد العملاء في تعليقا له على فيسبوك ” قررت أسحب فلوسي وعليه العوض’.
وقال آخر” موظفي البنك عاملين خاصية على تلفوناتهم لعدم الرد على العملاء، الرجاء الاهتمام من السادة المسؤلين..”.
وأضاف آخر” بنك مش كويس، وكله ضحك على الناس”.
وقال عميل آخر، “ده بنك سيئ عملي من حسابي الاخر حظر من الفيس عشان بطلب منهم يتصلوا بيا
انا خلاص كرهت البنك ده
ساتقدم بشكوي للبنك المركزي وشكوي لادارة البنك لاهمال الموظفيين العملاء وعدم الرد على استفسارتهم”.
