كتبت أميرة السمان
شاركت إيمي كمال خبيرة التجميل والشهيرة بإيمي تاتو منشور عبر صفحتها الرسمية على موقع التواصل الإجتماعي “فيس بوك” بعد الهجوم عليها خلال الساعات الماضية عقب إعلانها عن فقرة برنامجها على إحدى القنوات الفضائية، مما أثار غضب رواد مواقع التواصل الإجتماعي .
وقال “إيمي تاتو” خلال منشورها: “الحمد لله والفضل كله لله قدر الله وما شاء فعل.. هوه انا بصراحه مش عارفه ليه حصل غضب علي السوشيال ميديا.. وخصوصا عند بعض الاعلامين .. وخصوصا المبتدئين .. الموضوع اخد اكبر من حجمه الموضوع كله كان فقره في برنامج بتقدمه مذيعه اصلا .. اكتمال الموضوع او نهيه ولا فرق معايا ..انا قبلته بناءا عن طلب كثير من السيدات عن عرض بعض المعلومات والتجارب اللي تخص جمال المرأه وعلاقتها بالشعر والبشره والتاتو
انا أتعرض عليه كتيييير من التمثيل والظهور في برامج وحلقات خاصه وعرض قصه حياتي وعلطول برفض لاني فعلا تركيزي كله على شغلي”..
نرشح لك: مصادر رسمية لـ«الموقع» : الدولة تدخلت لوقف إيمي تاتو على قناة الشمس
وتابعت “وده البرنامج الوحيد اللي قبلته لانه خاص بفقره عن المرأه اعتبرته كدردشه زي مبدردش على بيدج المطبخ او التاتو .. كبرته الموضوع اووووى .. ودي معاها ودي معهاش .. وهوه لا فارق عندي من اساس .. انا برفض اي عرض منتج كاعلان مع ان المكسب من ورا كتير .. انا برفض لقاءات كتيييير مع صحافين والقنوات معروفه جدا وكمان بمقابل مادي .. انا برفض دخولي في التمثيل مع ان كتير شجعني اني اقبل . برفض استغل بيدجاتي لأي نوع من الترويج او زياده الرتش .. كل شغلي تاتوهات والمطبخ كحب دردشه معاكم وليس اكتر .. مع احترامي طبعا لقناه شمس وغيرها انا اقدر على بيدج واحد من بيدجاتي مع احلي فانز اوصلهم اللي عيزاه وتحت أمرهم في اي استفسار “.
https://m.facebook.com/story.php?story_fbid=606579434163860&id=100044354267740%D8%8C
واخيرا وليس اخير بشكر جدددددا استاذه ريهام سعيد الاعلاميه الكبيره لدعمها ليا وتوضيح الوضع رايك ووقفتك على راسي ، وطبعا غيرها من الاعلامين المحترمين ومن النقابه ومن أعضاء التمثيل الف شكر لذوقكم كلكم .. واحب اوصل معلومه خصوصا للإعلامين المبتدئين اللي شنه الهجوم وغيرهم .. حب الناس مش بيشتري بالفلوس حب الناس ده من عند الله ولا بالشهادات ولا التدريبات .. وانا حب الناس ليا يسوي كنوز الدنيا .. واستنوني بالاحلي لايف اليوم بإذن الله”.. وذلك حسبما قالت.
نرشح لك: بعد الضجة على «إيمي تاتو».. رئيسة قناة الشمس تفجر مفاجأة لـ«الموقع».. لم نحصل على أموال منها «ليه الناس بقت بتجلد في بعض»
وكانت ريهام سعيد قد شاركت منشور علقت من خلاله على تريند إيمي كمال قائلة: “يا عالم الرحمه . اولا ايمي تاتو مش طالعه مذيعه علي قناه الشمس دي فقره في برنامج ليه مذيعه و الفقره بتتكلم عن التجميل الي هي اثبتت كفاءتها فيه . ثانيا ايه كميه قله الادب دي وعلي فكره كل الي كاتب بوست يهاجم هايموت يشتغل في الاعلام . هي ايمي الي خدت الفرصه منك ؟ لا محدش بياخد رزق حد . علي فكره في ناس علي الشاشات بفلوسها و فشله وًمحدش بيتكلم جيتوا علئ الغلبانه الي نحتت في الصخر لحد ما وصلت . ايمي دمك خفيف و عندك كاريزما و تتحبي و هاتكسري الدنيا مش كل الي بيطلع علي الشاشه نسميه اعلامي في entertainer.بس احنا بقينا صعب اوي . حد فكر ممكن تبقي هي نفسيتها عامله ازاي دلوقتي ؟ ؟؟؟؟ مش مهم صح ؟ المهم تطلع عقدك علي الناس و بس . .و غيديوهاتها الي عامله ملايين هو ده مش جمهور ؟ عيب بقي الفاشل يطلع عقده علي الناجح لان و الله ما هاتاخد اكتر من رزقك”
