كتب- أحمد عبد العليم
كشفت الفنانة ميرنا جميل سرا عن كواليس مشاركتها في مسلسل “اللعبة” وتقديمها شخصية “إسراء” زوجة “وسيم” شيكو.
وخلال حلولها ضيفة في برنامج “جمعتنا الليلة” من تقديم مفيدة شيحة ومحمد الكندي عبر قناة “الظفرة” كشفت ميرنا جميل أن أبطال المسلسل لم يرغبوا في مشاركتها بالعمل في البداية قائلة: أستاذ معتز التوني هو اللي رشحني للدور وهقول دا لأول مرة مكانوش عايزني خالص النجوم الموجودين في المسلسل، شافوا أعمالي السابقة وقالوا هي مش نفس الكيميا بتاعتنا استحالة نبقى تيم واحد ومعتز التوني يقول طيب أدوها فرصة.
وتابعت: اجتمعت مع شيكو ومن أول قعدة ارتجلنا مع بعض وضفنا حاجات، هما في الأول حسوا أننا مش شبه بعض مش لايقه عليهم، لازم الممثل يبقى مرتاح مع شريكة بس حاليا أحنا بقالنا 5 سنين مع بعض وبشوفهم أكتر ما بشوف أهلي والكواليس حلوة ما بينا.
يذكر أن الموسم الثالث من مسلسل “اللعبة” ويحمل عنوان “اللعب مع الكبار” يعرض عبر قناة mbc مصر طوال شهر رمضان.
