كتبت أميرة السمان
شارك الفنان محمد رمضان جمهوره ومتابعيه عبر صفحته الرسمية على موقع التواصل الإجتماعي “فيس بوك” صورة جديدة له منذ قليل.
وعلق “رمضان” على منشوره قائلا: “أكيد الحصان الكسبان مش معاهم في الصورة ( اللي بره الصورة أسطورة ).. ثقة في الله نجاح.. مما أثار الجدل بين متابعيه
وكان محمد رمضان عرد لى فكرة تعرضه لحملات ممنهجة ورائها بعض الفنانين، مؤكدا أنه لا يوجد أي فنان يستطيع محاربته.
وقال: مفيش ممثل يستطيع محاربتي النهاردة، كان ممكن من 10 سنين أن فنان يحاربني، النهاردة مفيش توافق مفيش حد بمستوى أنه يحاربني، مفيش حد يقول أنا هعمل كذا ومتجبوش محمد رمضان هيرد عليه الشخص ويقول وجود رمضان أفيد ماديا ومعنويا.
وتابع: في إشاعات وبعض الناس بتوجه وبعض الصحافة تكتب أن فنانين وراء الحملات الممنهجة دا كدب ومتأكد مليون في المية، ممكن يكونوا الفنانين يتمنوا أنهم يأذوني لكن بقول ميقدروش غلابة وطيبين، على قدهم ومش بقلل من قيمتهم لكن هما مش قدي كأجر وشعبية وجمهور.
وعن تعرضه للظلم بسبب بعض ما يكتب عنه قال: أتعرض للظلم واتهامات لا تشبهني، كل اللي بيتقال في الصحافة 90% منه ظلم وبسمع كلام في الإعلام وأبقى قاعد مع ناس تعرفني كويس أشوف في وشوشهم ليه بيعملوا كده ليه بيدمروا صورتك ليه بيوصفوا حد تاني.
وأكمل: لا أعرف من أعدائي ولا أحاول معرفتهم، هل هم أفراد أم جماعات ومؤسسات، المهم عندي أن أحمي نفسي وأحلامي، اليوم الحروب معنوية وليست بالأسلحة، هناك محاولات اغتيال محمد رمضان معنويا، ممكن في بداياتي ناس في مجالي لكن اليوم أنفي أن يكون هناك حرب تجاه محمد رمضان من زملاء، لكن الآن هيبقى كأن شخص بيضرب دبابة بنبلة.
وأكد أنه لا يوجد لديه أصدقاء من داخل الوسط الفني وجميعهم زملاء، لكن فكرة الصداقة بمفهومها غير موجودة، أما من خارج الوسط من أعز أصدقائه رجل الأعمال نجيب ساويرس ورجل الأعمال ميشيل أحد.
