كتب- أحمد عبد العليم
حرصت الفنانة حلا شيحة على دعم وتبني مبادرة لدعم عمال النظافة، بـ 200 جنيه، وحثت جمهورها على ضرورة إسعاد هؤلاء الجنود، مشيرةً أن هذا المبلغ بسيط بالنسبة للبعض، ولكن هؤلاء العمال سوف يشعرون بسعادة كبيرة، عندما نمنحهم إياه.
ونشرت حلا شيحة ستوري لإحدى متابعيها، عبر حسابها الشخصي بوقع تبادل الصور والفيديوهات القصيرة انستجرام، جاء فيها: 200 جنيه غالبًا بتبقى أقل حاجة بنصرفها، لو خارجين مع صحبنا وبتبقى خروجة مش متكلفة كمان.
وتابعت: 200 جنيه لو اديتهم لعامل في الشارع أو unexpected tip لبتاع الديلفري، أو البنزينة أو عامل نظافة أو جنايني، ممكن يفضل مش مصدق نفسه، ويفضل فرحان بقيت الشهر، هو متوقع أقصى حاجة من 10 لـ 20 جنيه، بس 200 جنیه ده رقم محترم بالنسباله، وحقيقي مش هتفرق معانا، لو مخرجناش المرة دي وأكلنا في البيت.
وعلقت حلا شيحة، على الاستوري، قائلة: صح جدًا بدل ما نبص على المبلغ اللي طالع نبص، نبص على المكسب أكيد عند ربنا كبير جدًا.، ولقيت هذه المبادرة تفاعلًا وإقبالًا كبيرًا من الجمهور على مواقع التواصل الاجتماعي.
