كاملة أبو ذكري عن أزمة محمد سلام وبيومي فؤاد : طول ما أنت فاكر أن الرزق في أيد شخص مش في ايد ربنا بتنحني قدامه ولم اجرح أحد لكن الحقيقة ديما توجع
كتبت – أميرة عاطف
قالت المخرجة كاملة أبوذكري: “طول ما أنت بتتخيل أن الرزق في ايد اللي قدامك، مش في أيد ربنا، ساعات بل وفي أغلب الأوقات، بتنحني قدامه، ايوه ياباشا أيوه يا كبير، وندخل في بوس الأيادي، وفي شخص عارف أن رزقه عند ربنا، وكرامته مهمة ، وإحساسة بالغير كبير، وأنه راضي عن نفسه،
وتابعت “اللي هيجي يقولي حقوق انسان من الدول الغربية هخبطه على وشه، وخاصة شركات أمريكا .
وأضافت : شعرت أن محمد سلام بيتكلم من قلبه،واللي بيعمل شو، بيدور على فلوس زيادة، لكن هيعمل شو علشان رزقه يتقطع مستحيل، ايه المشكلة دا شعوره الحقيقي، ليلة السفر مش عارف ينام، مش قادر يسافر، وهو ممثل جميل ودمه خفيف وبيضحكني جدا.
وأستكملت حديثها : هو مش قادر يستوعب أن في بلد بتعمل كل هذا الأحتفال، وبلد أخرى شقيقة ، بتتقطع وتباد ويقتل منها كل ثانية، طفل وأمرأة ورجل .
وعن ردود أفعال الناس حول بوستها الأخير عن بيومي فؤاد قالت: عارفه أن كان في ناس مضيقه ومش عجبها اللي عمله بيومي، لانه في النهاية يمثلنا ويتحدث بأسم مصر، ونحن نعلم جيدا أن المصري، كرامته فوق كل شيء ومبيحبش حد يهينه ، ولم أجرح أحد ولك الحقيقة بتوجع،
