كتبت أميرة السمان
كشفت الفنانة غادة عبد الرازق أن أهم ماجذبها لشخصية “عايدة” في مسسل صيد العقارب أنها شخصية جديدة وتحمل في جنباتها ملامح كثيرة منها قائلة : ” شخصية جديدة علي فيها ملامح مني كنت دائماً بحاول أثبت لاهلي وابويا أني أققدر أعمل أي حاجه وأن مش معنى أني ست أن الراجل يقى أحسن مني ولقيت في كتير جداً من شخصية عايدة “، وعن طيبة الشخصية قالت : الطيبة ملهاش علاقة بالشخصية القوية حسبة الناس في الحتة دي غلط “.
ولفتت عبد الرازق، إلى أنه لايوجد علاقة بين طيبة الشخصية وقتها قائلة : فيه ناس بتخلط كتير في الحتة دي مش معنى أن الشخصية طيبة ولها شخصيتها وإحترامها وكيانها وأن يكون لها قرار وتستطيع أن تقود بيت وعيلة وبنت وأحفاد يفكروا في المقابل أن لازم تبقى الشخصية دي شريرة ومعندهاش قلب ومش بتعرض تعيط وده غلط وخلط في الاوراق مع الست ”
ورداً على سؤال الحديدي : شخصية عايدة بدت رومانسية جداً على عكس توقعات الناس في الأدوار الخاصة بكي وقالوا مش معقول غادة رومانسية كده قائلة: ” شفت كلامهم وقالوا مش واخدين عليكي كده والصراحة بضايق من ده لانهم ماينفعش يبقوا شايفني من جانب واحد فقط لاغير وهو أن لازم غادة عبد الرازق لازم تطلع في دور اللي بينتقم وبتشد شعر كل اللي موجودين في المسلسل وتكسب كل اللي حواليها في المسلسل من رجالة وستات ”
مواصلة: ” أنا مش عايزة الجانب الواحد بس عاوزة الناس تشوف غادة عبد الرازق في شخصيات كتيرة كممثلة أحب أتشاف في أدوار وشخصيات كتيرة وانا مش معقول كل مااطلع في دور هيبقى الشخصية القوية الي بتكسر كل اللي حواليها ”
وعلقت الحديدي قائلة : بس دي هي نوعية الأعمال والأدوار التي حققت نجاحاً بما فيها صيد العقارب بتلفي وترجعي لنفس طبيعة الشخصيات والناس بتحبك في ده ؟ لتجيب قائلة : ” بيحبوني في الشخصيات دي لأني على المستوى الحقيقي بتكسر وبرجع أقوم تاني بس الناس مش بتشوفني كده في حياتي الشخصية وأنا مكسورة وبرجع اققوم تاني وأنا لاأظهر ده”.
وسألتها الحديدي : هل غادة عبد الرازق بتحب تخبي كسرتها ؟ لترد : بخبيها أه مش بحب حد يشوف كسرتي ”
وعن علاقة ذلك بإختفائها لفترات قالت : انا عامة ست بيتوتية جداً ولكن في لحظة الانكسار بختفي اكتر “.
وعن أهم الأسباب التي قد تسبب كسرة لغادة عبد الرازق قالت : حاجات كتيرة جداً زي كل البني ادمين مثل فشل في الشغل يكسرني أو أعداء يحاربوني ويوصلوا لغرض ما تكسرني أو حاجة تمس بنتي أو أهلي تكسرني أو حاجه تشوه سمعتي والخيانة وأزمة مادية تكسرني”.
وقاطعتها الحديدي : ممكن محدش يتخيل أن غادة عبد الرازق تتعرض لازمة مادية لترد : لا بتحصل زي كل الناس لان أنا إلتزاماتي كبيرة جداً وربنا بيدي كل بني أدم على قد إلتزاماته ولما بيكون عندي إلتزماتي وافشل في عمل ما وهو المصدر الرئيسي للدخل بياثر على تلك الالتزمات، جاء ذلك خلال لقاء عبر برنامج “كلمة أخيرة ” الذي تقدمه الاعلامية لميس الحديدي على شاشة “ ON”.
