كتبت أميرة السمان
علق الإعلامي عمرو أديب على الاستثمار في منطقة مثلث ماسبيرو.
وقال أديب: شوف منطقة مثلث ماسبيرو بعد التطوير بقت عاملة ازاي.. كانت مزبلة وانت شلت العار ده وعملت أبراج.
وتابع الإعلامي: المبنى بتاع الحزب الوطني المطروح للاستثمار.. هتخللوه؟ .. ده ولع وراح في ستين داهية.. وحد يقولك استثمار إماراتي تاني؟.. وعلى راي عادل إمام خللوه.. هتخللوه.
وأضاف: حرام .. مبنى الحزب الوطني ده أحلى حتة عالنيل في مصر.. مستثمر إماراتي كويتي وجاي ب٥ مليار دولار يعمل فنادق
واستكمل: نفسي ندي انطباع للاستثمار الاجنبي اننا مرحبين بيه .. ليه المستثمر اللي بره مصر يلاقي مشاعر غير لطيفة وانتوا بتبيعوا البلد
وكان قد قال الإعلامي عمرو أديب انا لم اعد اهتم بالدولار يطلع ينزل يركب بسكلته فليكن الرب معه، ويارب يتهد على رأس امه.. أنا كل اللي مهتم أن أرى المرايا أرى التأثير لانه مآثر على الناس والناس اليومين دول عندها حالة ترقب .
وتابع أديب، أنا رأيي أن الفترة القادمة أن تنخفض الأسعار وان الناس تلمس هذا هذا الأمر لغاية الآن الناس بتكلم نفسها في السوق.. أنا بقولكم الحقيقة لغاية النهاردة خمسة جنيه وأربعة جنيه وبتاع وهناك محاولات أن ينزلوا شوية سلع مخفضة فالناس تقول اه وبعد كدا تخلص ومش جاي تاني.
واستعرض الاعلامي عمرو أديب فيديو لانطلاق معرض سيارات موسم الرياض، المقام بالمملكة العربية السعودية.
وقال أديب إن معرض سيارات موسم الرياض، نفذت تذاكر الدخول، أنا بستنى كل عام عشان احضر المعرض.. حاجة جميلة.
وأضاف الإعلامي، معرض سيارات موسم الرياض تحفة فنية كأنك داخل تتفرج على لوحة لبيكاسو.
جاء ذلك خلال إذاعة حلقة برنامجه الحكاية المذاع على فضائية ام بي سي مصر قبل قليل.
