اعرب عملاء شركة اتصالات مصر عبر موقع التواصل الإجتماعي فيسبوك، عن إستيائهم وغضبهم من سوء الخدمة وعدم المصداقية وخصم الرصيد بدون علمهم، وعدم الرد على الشكاوي والاتصالات وفشل الشركة كما وصفها أحدهم.
اشتكى عميل يستخدم اسم haitham ae aem من خصم الرصيد قائلًا: جالى رسالة نصها ( تم خصم 77.86 EGP للباقة اليومية مقابل 778.55 ميجا لاخر اليوم )
عايز افهم بقى ده ايه انا مشتركتش فى حاجة ولا هو من دماغكم ومفيش عرض بالمبلغ ده ومفيش حد عاقل يشترك فى عرض بالمبلغ ده لمدة يوم الا لو هيستهلكه بقى فأنا عايز حد يرد عليا.
وقال عميل آخر للشركة يستخدم اسم mowaten masry: روحت اعمل محفظتى اتصالات كاش الموظف قالى في مشكلة و السيستم مش قابل.. عملى شكوى من شهر ونص ومن يومها مفيش اى رساله ان المشكلة اتحلت.. وتابع عميل يستخدم اسم بسنت خالد : ياريت حد من خدمة العملاء يرد عليا ضروري بقالي ساعة محد بيرد.. مش كدا.
وأضاف عميل آخر يستخدم اسم منصور النحاس: متابعات إيه اللى على الخاص كلمونا هنا لازم يبقى فيه مصداقيه تقولى إدخال رقم الهاتف أدخله يقولك أدخل الكود وبعتولى 3 رسائل ب 3 أكواد وكل شويه الكود غير صحيح.. الشبكه وحشه جدا مكالمات وناس كتير بتشتكى وهتغير الشبكه ردوا علينا ومتقوليش خاص يا إما يكون فيه رقم واتس لخدمة العملاء لا حول ولا قوة الا بالله العلي العظيم.
