عبر تويتر.. عملاء فوري: الشركة سحبت الفلوس وقالولي العملية فاشلة.. مفيش حماية للمستهلك للأسف
سادت حالة من الغضب والإستياء بين عملاء شركة فوري عبر مواقع السوشيال ميديا وخاصة موقع التواصل الإجتماعي تويتر، بسبب سوء معاملة خدمة العملاء وسرقة أموالهم كما جاءت التعليقات.
عرض احد العملاء مشكلته قائلًا: عندي كارتين فيزا للبنك الأهلي على فوري بسدد فاتورة بكارت منهم لقيته مش نشط.. كلمت خدمة العملاء وبعد عذاب قالي إلغي الكارت ونزله تاني.. إسبوعين ومحدش منهم عارف ينزل الكارت تاني وبيوزعوني بأي طريقة.. أسوأ خدمة عملاء قابلتهم بيفهموا بصعوبة وغير مدربين..طلبت اتواصل مع المدير أو مطور الأبلكيشن ومافيش فايدة.
وأضاف عميل آخر: قولت أنتصر للتكنولوجيا واجدد النت من my fawry سحبوا الفلوس وقالولي العملية فاشلة والبنك مردش علينا.. ماتلموا الأبلكيشنز بتاعتكم وتعملوا تست صح بقي.
وقال عميل مستاءًا من خدمة العملاء: خدمة العملاء عندكم مستفزين اوي بصراحة وخدمة زي الزفت.. وتابع نفس العميل ردًا على تعليق الشركة: أنا لا هتواصل عبر رسايل ولا زفت كفاية طريقتكم في التعامل.
