اعرب عملاء شركة فوري عبر موقع التواصل الإجتماعي تويتر، عن إستيائهم وغضبهم من سوء الخدمة وعدم المصداقية وتعيين موظفين غير أكفاء، وتأخير التحويلات حتى وصفها أحدهم بالشركة “الحرامية”.
اشتكى عميل من سرقة أمواله قائلًا: دلوقتي ياشركة حرامية أنا شاحن النت الأرضي بقالي 6 أيام، الرصيد موصلش وكل يوم تقولوا بعد 24 ساعة وشركة وي تقول مافيس رصيد وصل، عايز الرصيد ياحرامية.
وقال عميل آخر للشركة: خدمة سيئة، الموظف سابني ملطوع على التليفون بيراج البيانات ربع ساعة لغاية ما زهقت وقفلت.. وتابع عميل قائلًا: دا مش كدا وبس، دول فاتحين محلات موظفين فيها ناس مش محترمة خالص.
وأضاف عميل آخر: عملت نفس الخطوات اللي تم طلبها والمشكلة ما تزال قائمة، والشركة معندهاش حل، خدمة غير موثوق فيها ولازم المشكلة تتحول للرقابة المالية والبنك المركزي.. وتابع آخر: ازاي واحد يبقى دافع قسط العربية من يوم 27 نوفمر ولسة موصلتش للبنك، والخدمة بقالهم اسبوع بيحدفونا لبعض ومنتهي البرود.
