كتبت- دعاء رسلان
أثار تحديث واتساب الجديد حالة من الجدل بين رواد السوشيال ميديا، وذلك بسبب قدرة الواتساب على فتح نفس الحساب على 4 هواتف محمولة، وهو ما يجعل الأشخاص الذين يحملون نفس الرقم، يستطيعون مشاهدة ومتابعة محادثات الآخرين.
فور إعلان التحديث الجديد للواتساب، أنهالت التعليقات التي تجمع بين السخرية والقلق بين رواد السوشيال ميديا منه، حيث سخرت ندى حواش: لما تعرف التحديث الجديد للواتساب مصر كلها هتفركش بعد التحديث واتساب الجديد”.
وعلقت شروق صلاح، إحدى مستخدمي السوشيال ميديا: “التحديث الجديد في الواتساب إنك تقدر تشغل الواتساب بنفس الرقم على أكثر من موبابل لكن ده مش معناه إنك تقدر تفتح الواتساب لأي حد بسهولة وده علشان انت بتسجل الكود اللي بيوصلك على الخط بتاعك لكن عادي تفتحه على 4 موبيلات زي الفيسبوك بنقدر نفتح نفس الأكونت على أكثر من موبايل لكن بالباسورد بتاع الأكونت في الموضوع مش مرعب لا تقلقوا”.
وكتب آخر: “الميزة التي ينتظرها الجميع من تحديث واتساب الجديد هيبهدلنا”، وعلق محمود بندق: “تحديث الواتساب الجديد هيخلي مسموح ل4 يفتحوا من نفس الرقم يعني هيجيلك كود تبعتهولي وأبقى قاعد في والواتساب بتاعك زيي زيك بالظبط”.
وعلق محمد سامح: “زمان علشان تقدر تشغل واتساب على موبايل جديد لازم تمسحه من الموبايل القديم ودلوقتي أخيرا تقدر تشغل واتساب على 4 موبايلات في وقت واحد، والطريقة بالظبط زيها زي ما بتوصل كمبيوتر بالموبايل لما تحمل الواتساب على الموبايل الجديد في الخطوة إللي المفروض فيها بتكتب رقم موبايلك هتلاقي فوق على اليمين 3 نقط فوق بعض هتدوس عليهم وتختار اللينك وهيطلعلك كيو ار كود”.
