الموهبة.. بتخلق الحلم وكي يتحقق لازم يكون عندك تحدي وعزيمة.. هكذا قالت هاجر محمد عبد الله من الإسماعيلية وبطلة حلقة النهاردة من سفير التضامن.
وتقول هاجر :” أنا عندى 14 سنة.. عيشت في دار أيتام لكن ماحستش ابدا انى يتيمة لأن مؤسسي الدار.. بيتعاملوا معايا كأني بنتهم بالظبط.. بقولهم بابا وماما.. مقدرش أقول الكلمتين دول لحد غيرهم لأنهم بيخافوا عليا من قلبهم وبيهتموا بيا.. كمان كل المشرفين بيتعاملوا معايا كويس وبيحبوني”.
وتابعت :” لحد من سنة فاتت ماكنتش فاهمة يعني ايه يوم يتيم.. و لا حتى كنت بحس اني يتيمة.. وده بسبب اني دايما شايفة أنا وأخواتي إننا قاعدين في بيتنا وكل الناس هناك بياخدوا بالهم مننا و بيهتموا بينا”..
وتؤكد هاجر انها اكتشفت موهبتها في الغناء وكان لديها 7 سنوات .. وهو الامر الذي لاحظه كل المشرفين ، مضيفة ان أول حاجة بدأت تسمعها كانت المواويل.. ثم أم كلثوم وعبد الحليم..
واوضحت انها بعد ذلك حققت جزءا من حلمها.. وغنت في حفلات ودخلت مسابقات..متابعة:” اليوم الأهم في حياتي يوم ماغنيت قدام ماما نيفين القباج وزيرة التضامن الإجتماعي في الإحتفال بيوم اليتيم اللي فات.. اليوم ده كان خطوة مهمة في حياتي .. وقفت دكتورة نيفين تسقفلي علشان عجبها صوتي.. كانت مبسوطة بيا.. وكل اللي في الحفلة شجعوني وسقفولي
..التشجيع اليوم ده اداني دافع أقوى فى تنمية موهبتي…حلمي إنى انمى موهبتى فى الغنا.. وكمان أدخل كلية طب علشان أساعد الغلابة”.
