شن رواد موقع التواصل الاجتماعي X حملة سخرية موسعة على رجل الأعمال نجيب ساويرس بسبب ظهوره في إعلان شركة اتصالات المقرر عرضه في رمضان المقبل، برفقة الفنان محمد رمضان.
سخر عدد كبير من رواد المنصة من ساويرس، بسبب ظهوره في إعلان لشركة اتصالات، وكونه أحد أكبر رجال الأعمال في مصر.
قال أحد المغردين: بعد ما كان صاحب موبينيل بقى بيطلع في إعلان اتصالات هو للدرجادي الحالة بقت صعبه يا نجيب ولا اي.
ومغرد آخر يقول: “نجيب لقي إنه شغله مش جايب همه قال يشتغل في الإعلانات، اهي مرة إعلانات ومرة محلل اقتصادي وأهي ماشية”، ومغردة أخرى تقول: حتى نجيب ساويرس بقى ينزل يلقط رزقه.
وأحد المغردين يقول: شدوا حيلكم عندنا طلعة، أخونا ناجيب ساويرس مزنوق في قرشين، وآخر يقول: عيب على سنك، دا انت قد جدي، إيه الهطل دا؟، ومغرد آخر يتسائل: هو عمو نجيب ساب البزنس وبقا بتاع إعلانات، إيه الروشنة، دا منظره في إعلان اتصالات عبيط.
ومغردة تقول: منتهى العبث، هو نجيب ساويرس صغير على الكلام دا؟، وأخرى تقول:”نجيب ساويرس دة ياولاد؟، هو بقي بتاع ديجي ولا اي هو الراجل دا شغلته اي شكله لقي البزنس مش جايب فلوس حلوه قال اشوف الاعلانات بقي.
