كتبت – أميرة عاطف
كشفت مقدمة البرامج بسنت شمس الدين، عن طبيعة علاقتها بالفنان المغربي “سعد لمجرد”، نافية الشائعات التي انتشرت عن ارتباطها به.
وقالت بسنت شمس الدين، خلال لقائها ببرنامج “منّا وفينا”، عبر قناة ومنصة “المشهد” عن شائعات ارتباطها بسعد لمجرد: “قبل أي حاجة سعد لمجرد إنسان متجوز وزوجته ريتا صديقي وأنا لأول مرة بقول الكلام ده وبوجه لها أحلى تحية في الدنيا”.
وأكملت بسنت شمس الدين: “زوجته صديقة مقربة وإحنا على تواصل بشكل دائم كل يومين تلاتة بنتكلم، هي من أحلى الشخصيات وأطيبها وعمرها ما حسيت بالغيرة مني، وظهوري في فيديوهات عفوية مع سعد لمجرد ده لأني شخص مش متصنع وسعد وريتا كمان وكلنا متصالحين مع بعض”.
وأوضحت أنها صديقة لريتا زوجة سعد لمجرد حتى من قبل زواجهما لكن لأنها لم تلتق بها من قبل أو تنشر صورة معها لا يعرف الجمهور بأمر هذه الصداقة، وقالت: “حتى قبل ما سعد لمجرد يتجوز ريتا هي كانت موجودة وأنا أعرفها يمكن لأن محدش بيشوفني معاها الناس بتطلع إشاعات، أنا وريتا عمرنا ما اتقابلنا وجها لوجه أنا علاقتي بريتا مع سعد من أول يوم على التليفون طول الوقت”.
وحكت بسنت شمس الدين عن بداية تعارفها بسعد لمجرد وقالت: “أنا من جمهور سعد لمجرد وسعيت إني اتعرف عليه وأعمل معاه لقاء تليفزيوني في وقت مكنش أي حد بيقدر يوصل فيه ليه، وصلت له، أنا مفيش حاجة بتقف قدامي عايزة حاجة هعملها، سعيت واجتهدت وعن طريق الصديقة المقربة لسعد هي وصلتني ليه وعملت اللقاء وقتها أنا وهو طلعنا تريند بشكل كبير جدا في الوطن العربي كله وعملنا أحلى لقاء بالنسبة ليا للعمر، ابتدت العلاقة تتوطدت أنا بحبه من قلبي”.
