كتب_ أحمد عبد العليم
نشر الفنان تامر حسني، اليوم الأحد، صورة جديدة، على حسابه الشخصي بموقع التواصل الاجتماعي فيس بوك.
وكتب تامر حسنى : “الحاج محمود العربي رحمه الله.. قصة كفاح ونجاح أتمنى كل متابعيني الكرام يعرفوا عنها ولو جملة، أنا مكنتش أعرفه الحقيقة بس لما عرفت قصته وشوفت جنازته ومحبة الناس ليه، حبيت أنكم تعرفوه وتعرفوا إزاي بدأ من تحت الصفر وبقى من أهم رجال الأعمال في تاريخ مصر وأكثرهم العمل في صمت، قصة فعلاً محفزة لأي شخص نفسه ينجح، شوفوا علاقته الطيبة بموظفينه اللي مسميهم ولاده، شوفوا الخير اللي في قلبه اللي خلى جنازته بالشكل ده، ربنا يرحمه ويحسن إليه ويحسن خاتمتنا كلنا، ربنا وحده بس اللي عالم بالقلوب اللي هيكرم ويسامح أصحابها بسببها، ربنا يجعلنا منهم”.
وشيع الآلاف من أهالي المنوفية أمس، جثمان رجل الأعمال محمود العربي رجل الأعمال الشهير وصاحب مجموعة العربي بعد الانتهاء من صلاة الجنازة على جثمانه.
وتحرك موكب الجنازة لمثواه الأخير بمقابر الأسرة فى قريته أبو رقبة، كما حرص المئات من عدة محافظات على الحضور للمشاركة فى تشييع جثمان الفقيد الراحل مرددين الأدعية وشهادة التوحيد داعين المولى عز وجل أن يتقبله مع الشهداء والصديقين فى يوم الجمعة المبارك .
https://m.facebook.com/story.php?story_fbid=394460198717333&id=100044600672035
