8 ملايين جنيه.. أجر إسعاد يونس فى إعلان إحدى المستشفيات.. ليه؟ .. ونشطاء: بيشتغلونا
كتب – أسامة محمود
أثار إعلان الفنانة إسعاد يونس عن التبرع عبر القنوات الفضائية لإحدى المستشفيات حالة من الجدل والغضب بين رواد السوشيال ميديا خلال الساعات الماضية بعد تردد أنباء عن حجم أجر الفنانة عن الإعلان والذى وصل حسب الأخبار المتداولة على مواقع التواصل الاجتماعي 8 ملايين جنيه ،وهو أثار حالة من الاستياء بين النشطاء وتساؤلات حول كيف تقوم بفنانة بإعلان عن التبرع لمستشفى ومساعدة المرضي لإجراء عمليات وفى نفس الوقت تتقاضى هذا الرقم كأجر لها.
وتفاعل النشطاء عبر موقع التواصل الاجتماعي “تويتر” على هذا الرقم، وكتب أحد المتابعين: إسعاد يونس عامله إعلان مستشفى الناس عايزه تعمل 330 عملية قلب وبتطلب تبرعات، وأخذت أجرة الإعلان 8 مليون بلبل”.
وقال أخر يسمى “الملاك الحزين” على تويتر : انتوا عارفين إعلان الفنانة زغلول العشماوى قصدى “اسعاد يونس “اتبرعوا لمستشفى الناس عشان نقدر نعمل 330 عملية ، واخدة فى الإعلان 8 مليون بلبل عايزين نعرف هو التبرع لـ اسعاد يونس ولا لعمل العمليات، مضيفا: مش المفروض هى تتبرع بالمبلغ أو نصه مثلا احنا عايشين في كراخانه. كله بيشتغلنا.
ورد أخر رافضا التبرعات عبر القنوات الفضائية ووسائل الإعلام قائلا: “محدش يتبرع لأي إعلان من دول انت روح بنفسك و شوف المحتاج و اديله أو حقق طلباته””
وكتبت أخرى: السنة اللي فاتت او اللي قبلها، تم التبرع لمستشفي 57 بمليار جنيه، وصل الاطفال منهم 150 مليون، والباقي رواتب واعلانات.
وعلق متابع أخر : ياه اخدت 8 مليون جنيه علشان تقول للناس تتبرعوا بلها تبرع من أصله وهي اتبرعت بكام لو كانت مقتنعهةكانت عملت الاعلان لوجه الله و تبرعت بأجرها … سبوبة … للمكسب .. الحمد لله “.
ورد أخر على إعلان إسعاد يونس قائلا: با أخي المستشفي دي عجيبة بقالها 20 سنة تبرعات لو التبرعات دي فعلا للعمليات ما يكون فيه مريض سرطان واحد لكن شكلها سبوبة كبيره للأسف، مضيفا :كل شوية يطلع فنانين، يطلبوا من الناس،اللى مش باقية رغيف العيش، يتبرعوا، طب ماتتبرعوا انتم، يا أصحاب القلوب الرحيمة، شوفوا كل واحد منكم واخد كام مليون، فى أى إعلان، بطلوا اشتغالات بقى:قرفتونا”.
