كتب- أحمد عبد العليم
تحدث الفنان منذر رياحنة عن تعاونه مع الفنان محمد رمضان في مسلسلي جعفر العمدة وموسى، بجانب حديثه عن تجربته في فيلم العميل صفر بطولة الفنان أكرم حسني.
وقال منذر رياحنة في تصريحات إذاعية: محمد رمضان حد مركز ومهتم وبشغله جدًا، وأنا هتكلم على منطقة التمثيل أنا في لحظة ببص بقول أحمد زكي، هو دارس تمامًا هيعمل إيه في المشهد، وأنا بحب نشتغل سوا وهما على المشروع أكتر من التفكير في شخص.
وتطرق الفنان منذر رياحنة، للحديث إلى مشاركته في فيلم العميل صفر، قائلًا: فيلم العميل صفر مختلف وكان نفسي الجمهور يشوف الكواليس، وأكرم حسني كان مفاجأة على المستوى الشخصي وفي طاقة إيجابية في الفيلم إن شاء الله هتشوفوها.
وتابع: اللي شدني في الدور أن الورق حلو وشركة الإنتاج، وأنا بحب شغل أكرم حسني وطريقته في الكوميديا اللي مدروسة ومهنية جدًا، وقولنا يا رب هتشوفونا يوم 16 إن شاء الله وتشوفوا حاجة مختلفة.
وأضاف منذر رياحنة: أكرم حسني ممثل مثقف في المهنة، والكوميديا بتاعته ونصه وشخصيته مدروسة، وكنا بنفكر إزاي واحد محترم وبيضحك، والعمل يكون ملائم للأسرة.
