كتب- أحمد عبد العليم
تحدثت الفنانة منة شلبي عن تفاصيل خلافها مع الفنانة هند صبري، الذي وقع بينهما في بداية مشوارهما الفني، وذلك خلال لقاء لها ببرنامج سهرانين على شاشة تلفزيون قناة أون.
وقالت منة شلبي: أنا وهند صبري مكانش لينا في بعض أوي، طلعت أنا وهي مع بعض، كانت هي بتعمل مواطن ومخبر وحرامي ومذكرات مراهقة، وفي نفس السنين دي أنا كنت بعمل الساحر وبحب السيما، واحنا كنا متنافسين تماما، فيجي حد يقولي دي مش بتحبك.
وتابعت: وفي فيلم أحلى الأوقات كان فيه بينا ود شديد، وأنا وهند مكناش قريبين من بعض، بس من كتر ما احنا بنحب حنان ترك جدا، تلقائي بقينا قريبين، وخلص الفيلم لا حرب ولا سلم.
واضافت: وبعد كدا جالنا بنات وسط البلد، واحنا الاتنين مكانش في بينا خناقة، ومكنش في بينا حب، فأستاذ محمد خان قالي هند هتعمل دور جومانا فقولتله مفيش مشكلة، فقالي انتو هتيجوا عندي البيت نعمل بروفة، وهناك قولتلها أنا في كلام عايزة اقولهولك، قالتلي وأنا كمان، وقعدنا نتكلم مع بعض، واتصافينا.
