كتب – أحمد خيري
وجه طارق يحيي نجم الزمالك السابق عدة رسائل هامة للبرتغالي جوسفالدو فيريرا المدير الفني للفريق بعد التعادل السلبي مع المقاولون العرب ببطولة الدوري.
ونلخص أهم تصريحات طارق يحيي في قناة الزمالك كالآتي:
-كان في قرارات فنيه عليها علامات استفهام، درونا نناقش وننبه القائمين على الكرة بالزمالك، ونعرف الجمهور ان هناك امور فنيه خاطئه وليس معناه الهجوم على فيريرا
-بكرر مش هحبك اكتر من الزمالك ومحدش يقولي خط احمر ولا اصفر، السنه اللي فاتت كنا بنطبل ونزمر لفكر الرجل، لمصلحة مين اعاند واكابر في حاجات طبيعيه
– بوجه رسائل مباشره لفيريرا عاوزين نصحح بعض الاخطاء علشان نلحق نفسنا ونمنح اللعيبه فرصه، ومش مطلوب نحط حاجات تبدو للجمهور غامضه، محدش يزعل مني انا بتكلم للمصلحة العامه مش عاوز حاجه انا صوت الجمهور، الناس زعلانه، عندي لعيبه كويسه ومش قادر استغلها
-فيريرا استاذ لكن بيعمل حاجات ضد الطبيعه، اتمنى يتدارك كل الامور ونشتغل طبيعي
ممكن المستشار مرتضى يزعل مني بسبب كلامي لان ممكن ده مش فكره لانه بيساند فيريرا بشكل كبير جدا انا بتكلم اللي في قلبي
انا بقول اراء فنيه، مش عاوزين تأليف والجمهور يبعد عني، المفروض استغل دعم الادارة والجمهور علشان نكسب، فريق الزمالك خسارة بالاسكواد ده مياخدش كل البطولات الموسم ده
