سادت حالة من الغضب والاستياء بين عملاء بنك QNB على السوشيال ميديا وخاصة موقع التواصل الاجتماعي فيسبوك، لعدة أسباب ما بين سرقة حسابات، وتضييع وقت، وسحب أموال بدون علم أصحابها، وسوء تعامل خدمة العملاء، ما بين تكبر واستخفاف واستهتار بالعملاء، ومطالب من البعض بعدم التعامل مع البنك وإلغاء حساباتهم وتقديم شكاوى للجهات المختصة.
اشتكى أحد عملاء البنك من غياب مبلغ وقدره 27 ألف جنيه من حسابه دون علمه قائلاً:” لما اكون أنا عميل QNB وأصحى الاقي 27,000 مسحوبين من الكارت بتاعي من غير ما اسحبهم ومن غيرما الكارت يكون مع حد ومن غيرما يتبعت activation code للـ mobile و انا نادرًا ما بعمل online purchasing، وكل يوم اروح خدمة العملاء و يقولوا لي الموضوع تحت التحقيق، وياخد لحد ١٢٠ يوم، وأنا محتاج الفلوس دلوقتي، فأنا أنصح كده إن ماحدش يتعامل مع الـ QNB لأنه مش مهم عنده مصلحة العملاء، وإنه مش أمان إن فلوسك تبقى عندهم.
قال عميل آخر:” ياجماعة أنا حصل معايا مشكلة واتسرق حسابي من بنك QNB من حوالي 3 شهور وعملت مذكرة اعتراض بالطريق اللي اتسرق بيها حسابي وامبارح كلمني مسؤل البنك ورجع في حسابي 1600 جنيه من أصل 4800 جنيه بعد انتظار 4 شهور، باقي فلوسي هترجع امتا؟ وليه كل الوقت دا فلوسي مرجعتش..
ورفع عميل آخر شعار”هنسرقك من غير ما تحس أو هنضيع وقتك” وتابعًا: ممكن دي تبقى حملتكم الاعلانية الجية على الأقل هيبقى في حاجة واحدة فيها مصداقية.
واستاء بعض العملاء من سوء الخدمة وتعامل موظفي البنك وجاءت التعليقات كالتالي:
قال أحدهم:”أسوء خدمة عملاء على مستوى البنوك كلها، وأسوأ خدمة عملاء في الاتصال..أسوأ موظفين معظمهم مش شغالين والعملاء منتظرين.
قال آخر:”بصراحة بنك مفيهوش اي نظام، ولا ترتيب العملاء وأي حد يعرف موظف في البنك كأنه صاحبه أسلوب تعامل وحش.
ونصح أحد العملاء بعدم التعامل مع البنك قائلاً: منصحش حد بالبنك دا، أسوأخدمة عملاء، بنك فاشك ومفيش حد من موظفي البنك بيتواصل معايا، أسوأ بنك شفته في حياتي.
نرشح لك : قمة التهريج وعدم المسئولية..عملاء لـ البنك الأهلي: معاملة سيئة.. سيستم واقع وماكينات فاضية.. والبنك يرد: إحنا مش مسئولين عن ماكينات ATM
قال عميل آخر:” إن شاء الله نحول لبنك آخر بسبب سوء التعامل مع العميل، محدش بيعبرنا، بنروح الفرع بنحس إن الأمن شبيحة مش أمن.
وقال آخر: “عندي مشكلة بقالها شهرين والفرع غير متعاون بالرغم أن الورق مستوفي والمشكلة بسيطة ولا تستدعي كل ذلك، خدمة سيئة وعدم شفافية في التعامل.
وتابع آخر:” للأسف أكثر بنك سيء من ناحية خدمة العملاء في الفرع والخدمة الهاتفية، وكل حاجة.. وكل فرصة تجيلي أعملكم دعاية سيئة مش هتردد.
وأضاف عميل آخر:” أسوأ بنك ولا يستحق أي جائزة على الإطلاق، أسوأ بنك قدمت شكوى ولم يؤخذ بها كلكم نفس الآداء وللامبالاه.
وقال عميل آخر: أقسم بالله أفشل بنك ولازم نعمل شكوى كلنا في الجهات المختصة للبنك الفاشل دا، أسوأ بنك في مصر مفيش أي اعتبار للعملاء.
