كتب_ أحمد عبد العليم
نشر الفنان شريف إدريس، اليوم السبت، بوست جديد له، على حسابه الرسمي بمقوع التواصل الاجتماعي “فيس بوك”.
وكتب شريف إدريس: ” صباحكم خير جميعاً،أولاً بشكر ربنا..ثانيا بشكر زوجتي اللي طلع عين اللي جابوها معايا من أول لحظه وكانت متحمله المسؤوليه بالكامل وكانت تحت ضغط عصبي كبير والشكر عالفيسبوك مش كفايه عليها..ثالثا فيه ناس كتييير نفسي اذكرهم بالإسم وقفو جنبي في المحنه دي من أول لأخر لحظه..بس برضه الشكر عالفيس بوك مش كفايه عليهم”.
وأضاف: “رابعا..انا مش بتاع نصايح بس خدو بالكم من نفسكم وربنا يحفظكم ويحفظ اولادكم وكل حبايبكم..ويارب يشفي كل مريض شكرا ليكم كلكم”.
ومنذ فترة، كشف شريف إدريس عن ظهور بعض الأعراض على أطفاله بعد إصابته بفيروس كورونا، حيث كتب عبر حسابه بـ«فيس بوك»، «أنا بقالي يومين مش فاهم أنا كويس ولا مش كويس، بس ولادي ابتدوا يسخنوا واحد ورا التاني وده معيشني في رعب، يارب ولادي يارب».
وعن الأعراض التي شعر بها شريف إدريس بعد إصابته بفيروس كورونا، وفقًا لما كتبه عبر حسابه بـ«فيس بوك»، «الأصدقاء اللي بيحاولوا يتطمنوا عليّ، طبعًا الحمد لله على كل شيء، ألم شديد مستمر في كل حتة في جسمي، مافيش ريحة لأي حاجة، عدم إتزان ودوخة ومش قادر أقف، جلد ضهري حرقان، وجع في مقلة العين، أدوية تقيلة بتخليني نايم كتير، وطبعًا الألم النفسي الأكبر إني مش قادر أحضن ولادي ولا أتعايش معاهم، دعواتكم أتخطى الموضوع بسرعة، ومايحصلش أي تطور وحش في حالتي».
