كتب – محمد خضير
عبر حسابها الشخصي فيسبوك نشرت الفنانه رانيا فريد شوقي تعلن فيه بدء تصوير مشاهدها ضمن أحداث مسلسلها الجديد ” زي القمر” حيث قالت..
” حاليا بصور مسلسل زي القمر حلقات ام العيال بتحكي عن اسرة من الطبقة الكادحه اللي بتعافر مع الدنيا عندهم ٧ عيال و الام بتشتغل في تنضيف البيوت و بنتها الكبيرة كمان اللي مخطوبة و لازم تشتغل عشان تجهز نفسها و الابن الكبير بيلقط اكل عيشه و حلمه يسافر بلاد بره عشان مستقبل افضل من وجهة نظره و الاتنين مش متعلمين و الام هي اللي شايلة الشيله يعني هي الراجل و الست اما الاب عاطل و مش بس لا ده بياخد فلوسهم يصرفها علي المزاج و بجح يعني حسنه و انا سيدك و طبعا مش هحرق الأحداث بس بجد انا عندي حالة غضب و حزن و تعاطف مشاعر متضاربه بسأل نفسي اسأله كتير ليه الواحد يعمل كده في نفسه ليه اخلف ٧ عيال و انا ظروفي الماديه صعبة ليه اظلم عيالي و احرمهم من انهم يعيشوا طفولة بريئه و صحيه ليه اشيلهم هم من و هما اطفال ليه ماخلهمش يعيشوا حياة طبيعية زي اي طفل في نفس السن و الطبقة بس عدد اولادهم ٢ او ٣ بالكثير جوايا كلام كتير و تساؤلات اكتر لو اعدت اكتبها مش هعرف برضه اعبر و محدش يقولي ده نصيب او مكتوب لان ربنا ادانا الاختيار و التفكير بالعقل.
وانهت رانيا منشورها بقول..
اختيارك هو اللي بيحدد مصيرك
ربنا يرزق عبيده بالعقل السليم والصحة و نقاء القلوب و الرضا.
