كتب _ أحمد عبد العليم
علق الفنان خالد سرحان على الأخبار التي انتشرت عن إصابة الفنان عادل إمام بالزهايمر.
وقال خالد سرحان في مداخلة هاتفية مع برنامج “حديث القاهرة” مع الإعلامي خيري رمضان: شفت الزعيم قريب جدا، وبطمن الناس الأستاذ عادل زي الفل ومفيهوش حاجة خالص ويسخر من الشائعات اللي بتظهر.
وعن إصابته بالزهايمر تسأل خالد سرحان: هل عقلية كبيرة زي عقلية عادل إمام سهل يجيلها زهايمر؟ الراجل مركز وصحته بخير.
وأكمل: السوشيال ميديا جننت الناس، من فترة بيتكلموا ليه محضرش فرح بنت أخوه، نتخيل لو راح فرح فيه 2000 يتلموا عليه ممكن الفرح يبوظ، مفيش حد يستحمل.
وكان المنتج عصام إمام طمأن الجمهور على صحة شقيقه الفنان عادل إمام.
وعبر عصام إمام عن غضبه وحزنه من كثرة الشائعات التي تنتشر كل فترة على شقيقه الزعيم عادل إمام وقال في مداخلة هاتفية مع الإعلامي عمرو أديب في برنامجه “الحكاية”: أنا مش عارف الناس دي مستعجلة على إيه، إيه سبب أن يتقال كده، دا عادل إمام لو فيه حاجة ولو في مستشفى العالم كله هيعرف.
