كتبت أميرة السمان
أعربت الفنانة حورية فرغلي ، عن استيائها من تشويه صورتها، واتهامها بالخروج مع حسن شاكوش في أحد شاليهات العين السخنة .
وقالت حورية فرغلي، إنها لا تعرف حسن شاكوش إطلاقاً ولم تجمعهما الصدفة إطلاقاً ، ولكن تحمل رقم هاتفه، مشيرة إلى أن اتهامات زوجة شاكوش لم تكن لها بالمرة.
وتابعت :”حجيت 7 مرات ولم أرتكب الكبائر.. وأنا من المحترمات في الوسط الفني، ولم ذهب إلى العين السخنة طوال حياتها،
وشددت على أن ريم طارق، طليقة مطرب المهرجانات حسن شاكوش، لم تقصدها بالاتهامات لخيانة طليقها حسن شاكوش، ولكنها اختصتها لكي تكون تريند، متابعة أن طليقته قالت إن من خانها معها يوجد حرف الراء في ثالث اسمها وعلى سبيل المثال سارة، ولا يشترط أن تكون حورية، جاء ذلك خلال حوارها مع الإعلامية بسمة وهبة، ببرنامج “العرافة” المذاع على قناة “المحور”.
وفي سياق متصل واجهت الإعلامية بسمة وهبة ، الفنانة حورية فرغلي، بعلاقتها
بالعفاريت والجن، قائلة: “الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك في البيت؟”.
وقالت حورية فرغلي: “أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب”.
وتابعت “اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي”.
واستطردت :”كان فيه عفاريت معايا في الشقة ولا يؤذونني واقرا سورة البقرة كل يوم جمعة وبشغل القران وهذا لا يضايقهم.. هؤلاء موجودين ولا يختفون رغم قراءة القرآن “.
