كتبت – ندى أشرف
تداول عدد من رواد مواقع التواصل الاجتماعي صورة التي شيرت الذي ظهر به عمرو أديب في حلقة أمس، من برنامج الحكاية، على قناة Mbc مصر، مؤكدين أن سعره يتجاوز الـ11 ألف جنيه. وقال أحد المتابعين: نفسي الناس تشوف وهو بيقبض فوق العشرين مليون في السنة مقابل البرنامج بتاعه، وبيطلع يقول للناس الغلبانة اتبرعوا عشان مصر والمفروض هو من اكتر
الناس اللي تعمل ده بس مين يسمع!»، فيم قال آخر: «أعتقد مش غالى عليه 11 ألف مقابل بلوفر، لأن ده اللى يتناسب مع دخله حتى من قبل ما يدخل التليفزيون، وفكرة اننا نتدخل ونعلق على سعر قميصه ولا بنطلونه ماتخصش حضرتك ولا غيرك فى حاجة.. دى حرية شخصية على فكرة».
وعلق ثالث: «أكتر واحد بيقول للناس عيشوا في ظل الظروف الصعبة اللي بنمر بيها وهو برضه اكتر واحد عايش حياته، إذا كان بقى باللبس ولا الأكل ولا أي حاجة تانية..بس فاقد الشئ لا يعطيه، وفئة كبيرة مش هتستقبل منه اي كلام إذا كان كلامه متناقض مع الواقع اللي بنعيشه، في حالة إنه لابس تيشرت ب 11 الف جنية جنب ناس مش لاقية تاكل لقمة العيش»وكان عمرو أديب، استضاف صاحب أحد المطاعم في دبي، وظهر بالتي الشيرت الذي أثار عددا من متابعيه على وسائل التواصل الاجتماعي.
