عبرت الإعلامية ريهام سعيد عن سعادتها بحبس الفنانة سما المصري عامين وتغريمها 100 ألف جنيه غرامة بتهمة سبها، قائلة: ” في أقل من سنة رجع الحق عشان ربنا عادل وعظيم وكريم واللى عند ربنا مابيروحش. بشكرك يا رب”.
وكتبت ريهام سعيد في حسابها بإنستجرام: “سبحان الله السنة اللي فاتت زي النهارده استقبلت خبر وقفي من المجلس الأعلى للإعلام بصدمة لأني معملتش حاجه في حياتي أهم من مساعدة مرضي السمنة ونصيحتي كانت من خوفي عليهم لأن أنا مريضة سمنة. ناس كتير اتخلت عني كانت بتعرفني فقط لشهرتي راحوا والأقنعة اترفعت واتصدمت في ناس كتير اوي ماشافوش مني غير كل خير ده غير الإهانة والسب”.
وقالت: “ناس كتير اوي غلطت فيا وهما مش فاهمين حاجة. في نفس يوم وقفي من غير شماتة ولكن بقناعة أن التوكل على ربنا فقط حتي لو ملكش حد كفاية.. بعد سنة النهارده يتفك الوقف والي عايرني اني مش بشتغل اتطرد شر طردة و المجلس الاعلي اتحل وسما اخدت حكم و اللي كانوا بيعملوا فيديوهات ضدي حالتهم كرب واعتذروا. في اقل من سنة رجع الحق عشان ربنا عادل و عظيم و كريم و الي عند ربنا مابيروحش. بشكرك يا رب”.
وأضافت ريهام سعيد: “بشكر المحامي شعبان سعيد اللي في ضهري طول الوقت.. بشكر زوجي. بشكر اي حد كلمني او سأل عليا و انا مش بشتغل و مذيعة ومكسرة الدنيا. بشكر الناس الأصيلة الجدعة زي الفانز وزي حمدي بدر ومحمد رمضان و ياسمين عبد العزيز وبدريه طلبه ودينا ومي كساب وايمان العاصي واصاله واحمد رزق وعلاء الشربيني وسعد الصغير. بشكر كل واحد عمل فولو البروفايل ده وانا مش حاجه وولا حاجه مش بشتغل ومش عارفين هاشتغل تاني واله لا”.
وأنهت تعليقها قائلة: “مبسوطه بالسنه الي بعدها مفيش حواليه غير الناس الي بتحبني بجد. بشكرك يا رب. وبشكر القضاء العادل والدوله المحترمه. الحق بقي بيرجع في مصر في عهد ريس محترم وقوي . الحمد لله”.
