كتب_ أحمد عبد العليم
تداول عدد من رواد مواقع التواصل الاجتماعي، اليوم الأحد، فيديو للفنانة هنادي مهنا، وهي تتحدث عن الزواج والطلاق ومواصفات الرجل المثالي.
وظهرت هنادي وهي توجه رسالة للرجال وقالت “الراجل الي مش عاجباه الست اللي معاه يطلقها وورقة الطلاق عند المأذون بـ50 جنيه وكل واحد يروح لحاله ونرجع الست معززة مكرمة لبيت أهلها زي ما الراجل أخدها”.
وأضافت هنادي مهنا”مش لازم نوجع بعض ولا نضايق بعض والراجل الغلط بيتعرف أول ما الست تحس إن قلبها موجوع حتى لو لسبب تافه”.
واختتمت هنادي مهنا “مش من حقك إنك تجرح البنت اللي سابت بيت أهلها وبتخدمك بعنيها وشايفة طلباتك وطلبات أولادك وتيجي بعد كدا تضايقها انت مين علشان تعمل كدا مفروض تحطها فوق راسك انت من غيرها ولا حاجة”.
من ناحية أخرى، كشفت هنادي مهنا عن بعض تفاصيل شخصيتها في فيلمها الجديد “تماسيح النيل”.
ومن المقرر أن تغني هنادي بأكثر من لغة منها الإسبانية والإنجليزية والفرنسية والعربية، وحتى العربية ستغني بأكثر من شكل مختلف الصعيدي، والنوبي، وكلها من ألحان عادل حقي.
وأوضحت هنادي مهنا أن الشخصية التي تقدمها بها جانب كوميدي، مشيرة إلى أنها كانت ترفض أي أدوار كوميدية لأنها تشعر أنها لا تستطيع تقديمها، لكن في هذا الفيلم جذبتها الشخصية وقررت تقديمها، خاصة أن الفيلم به قصة درامية أيضا.
https://www.instagram.com/tv/CVqarFaIRSP/?utm_medium=copy_link
