ياسفينةالنجاة..
ارجعي افتحى أبوابك
وحشنا أوى بخورك وصلبانك
وكل طوبة وحجر في أسوارك
وحشنا صلواتك وقربانك
ارجعي افتحى أبوابك
اشتقنا لترانيمك وألحانك
*******
لسه زعلانة مننا
صعبان عليكى جهلنا
بس عارفه رغم ده كله
بنقولك من كل قلوبنا
هنفضل أولادك
*******
وحشناعشياتك وقداسك
ولمتنا في أعيادك
وفرحتنا بأخبارك
قديسينك وأحبارك
وحشنا بركة أسرارك
*******
هنرجعلك فاهمين الدرس
هنبوس بصدق أبوابك
ولما ينطفئ الكون قدامنا
كفاية علينا أنوارك
هنحب بعضنا من غير رياء
هنبطل كلام فى الهواء
هنحفظ تعاليمك وإرشادك
********
الموت نتحمله
والجوع نصبر عليه
ولو الخطر حاوطنا
بوجودك هنقدر عليه
بس اللي صعب علينا
واللي هيهدنا
بعدك ياأمى عننا
واقفين علي اعتابك
**********
*القس صموئيل صلاح بولس
كاهن كنيسة القديس مارمرقس الرسول
جزيرة سان توماس – أمريكا