«إعلامي أهلاوي» يفتح النار على «تامر بدوي»: اللي انت قولته عبارة عن افتراضات مضحكة هتفضل موجوده في خيالك
كتب- أحمد عبد العليم
انتقد الإعلامي محمد فارس طمان ، مقدم برنامج “الأهلي خط أحمر” على قناة الأهلي التلفزيونية، محلل الأداء تامر بدوي، وقال: اسوأ تحليل كنت ممكن تسمعه في حياتك عن الأهلي في ماتش اتحاد جدة هو اللي قدمه تامر بدوي واللي كان كله كلام عن سلبيات الاتحاد اكتر منه كلام عن مميزات الأهلي . لحد هنا تعمدت تماماً اتجاهل تحليله لانه كان واضح جدا انه مجرد محاولة للتقليل من اللي قدمه الأهلي.
وكتب الإعلامي محمد فارس طمان على موقع إكس: ولكن اللي رجع وعمله انهاردة لا يمكن تجاهله لانه وضحك اكتر هدفه وتوجهه . تخيل في عز فرح الناس بفوز الأهلي وان في نادي مصري قادر يكتب الانتصارات دي على الأندية السعودية وازاي الأهلي قوة ناعمة للرياضة المصرية . خرج تامر بدوي انهاردة بشكل بشع في فيديو مقز ز عشان يقلل من الأهلي ويحاول يصنع تفوق نفسي تاني للاندية السعودية حتى لو في خياله وبكلام كله بيعتمد على افتراضات مش في الكورة . وقال ان لو الهلال اللي بيلاعب الأهلي كان مستحيل الأهلي يكسب . ولما اتسأل يعني الأهلي معندهوش حظوظ لو واجه الهلال ؟ . رد وقال انت بتهزر مع ضحك بسخرية . وان لو الهلال لاعب الاهلي تبقى حظوظ الهلال في الفوز ٩٠ ٪ او ٨٠ ٪ للهلال و ٢٠ ٪ للأهلي.
وأضاف: تصريحات لا فيها منطق ولا احترام لقيمة الأهلي و مفيش لاعب او مدير فني في الريال او البايرن كان عندهم القدرة يقولها ويقللوا من الاهلي وحظوظه بالشكل ده واحنا بنلاعبهم.
وتابع: هو نفس الشخص اللي قلل من الأهلي قبل مواجهة البايرن وان الاهلي هيخسر خسارة كبيرة واساء لمحمد الشناوي وقال مصيبة ان ناس تحط اصلا اسم الشناوي جنب اسم نوير وان دي ناس بتهرج وان نوير ايده الشمال بكل حراس مصر وانه لو نوير وقف في الجول بأيد واحده وحاطت التانية ورا ظهره فهيبقى افضل من كل حراس مصر. وكان كلام لا له علاقة لا بالكورة ولا المنطق ولا تحليل علمي ولا عمرنا كنا سمعناه من اي محلل اوروبي انه بيقيم بالشكل المضحك ده ويقلل من حارس دولي لعب كاس عالم واخد افضل لاعب في مباراة في كاس العالم.
وواصل: تقليل تامر بدوي مش هيغير من حقيقة ان الأهلي كسب الهلال برباعية وان الاتحاد اللي من فرق صندوق الاستثمار السعودي واللي قيمته السوقية اكبر من فرق في البرميرليج خسر قدام الاهلي بثلاثية مع الرأفة . انا عارف ان دي صدمة هزت صورة ذهنية كان مفترض تترسم عن قوة الاندية السعودية اللي فيها نجوم العالم وان مطلوب ان يتم التقليل من الصورة دي خصوصاً لو في مصري مستعد يعمل ده. وتامر عمل ده قبل كده وقت ما كان محلل في قناة بيراميدز ولو رجعت لكل كلامه عن تجربة بيراميدز وقتها هتلاقي الواقع اثبت انه بنفس الشكل كان كلام وهمي وغير منطقي وله اهدافه.
وأختتم: يا تامر الحقيقة الوحيدة اللي لازم تعرفها ان الاهلي فاز على الهلال برباعية والاتحاد بكل نجومة بثلاثية ده الواقع اللي مش هتقدر تنكره انما اللي انت قولته عبارة عن افتراضات مضحكة هتفضل موجوده في خيالك زي افتراضات كتير قولتها قبل كده وهنفضل احنا عايشين مع واقع الأهلي كبير افريقيا والعرب بالأرقام والبطولات والتاريخ
اسوأ تحليل كنت ممكن تسمعه في حياتك عن الأهلي في ماتش اتحاد جدة هو اللي قدمه تامر بدوي واللي كان كله كلام عن سلبيات الاتحاد اكتر منه كلام عن مميزات الأهلي . لحد هنا تعمدت تماماً اتجاهل تحليله لانه كان واضح جدا انه مجرد محاولة للتقليل من اللي قدمه الأهلي.
ولكن اللي رجع وعمله… pic.twitter.com/HcGLNWnt2I
— Mohamed Fares Taman (@mohamedfares07) December 17, 2023
