كتبت-شيماء عبدالسلام
نشرت الإعلامية أسما شريف منير صورة جديدة لها عبر صفحتها الرسمية على موقع التواصل الإجتماعي للصور والفيديوهات “إنستجرام”.
و ظهرت أسما شريف منير فى الصورة من أمام البحر و هى تقرأ، و علقت قائلة:”صباح النور، دايماً كنت بحب اوي اتفرج علي الاجانب و هما قاعدين علي البحر بيقروا بالساعات، كنت ببقي نفسي اعمل زيهم بس كان خلقي بيضيق، يا الشمس جيا في عيني يا الهوا بيقلب الصفحة يا اللي حواليك بيكلموك و يقطعوا تركيزك، و ده عشان انا بس كنت عايزه احقق الصورة اللي انا حباها بس و خلاص”.
و أضافت أسما :”و انا مسافرة المرة دي اخدت كتاب كنت اصلاً بدأته و اتشديتله فا من غير ما افكر لاقيت نفسي بقرا و ناسية الشمس و الرمل و كل حاجة و منهمكة جداً في كل كلمة بقراها و عرفت سحر القراية في الهوا بجد احلي بكتير من القراية علي الكنبة، مش شرط علي البحر بس المهم في الهوا بجد فرق رهيب.. تحسه كده انه بيساعدك تستمتع بكل كلمة بتقراها و بتفهمها اسرع مش عارفه ليه بس هو ده اللي انا حسيته..عايزه بقي اقولكم ان كتاب دكتور
(ذكر شرقي منقرض) رهييييييييييب كل صفحة بيحلو و بيشد، لازم تقروه هتستفادوا مفيش كلام ايه اكتر كتاب حبتوه غير القرآن الكريم طبعاً؟”.
أعلنت الإعلامية أسما شريف منير إبنة الفنان شريف منير، عن إنفصالها عن زوجها الفنان محمود حجازي، و ذلك عبر بوست نشرته عبر خاصية الاستوري بموقع التواصل الإجتماعى للصور والفيديوهات “إنستجرام”.
وكتبت أسما شريف منير قائلة:”ياريت بعد ازنكم تحترموا خصوصية الموقف، من غير شائعات ولا اجتهادات ولا اسئلة، محصلش نصيب وبكل احترام، ونقطة وربنا يكرمنا احنا الاتنين، بس كده مفيش أي تفاصيل تانية للصحافيين بعد ازنكم، احنا كان في بينا عشرة وعيش وملح فأكيد مش هنتكلم عن تفاصيل بيتنا”.
