كتب_ أحمد عبد العليم
نشرت الإعلامية بسمة وهبة، اليوم الجمعة، صورة جديدة، على حسابها الرسمي بموقع الفيديوهات والصور إنستجرام.
وكتبت بسمة وهبة:” بترجاكم بلاش اشاعات لان الوقت ده الواحد بيبقي محتاج كلمه تشجعه مش اشاعه تزعله وبلاش عناوين بتلميحات سلبيه بلاش تحطمونا وتستغلونا من اجل الايك والشير ( بعد وفاه الابراشي بسمه وهبه ف المستشفي ).
وأضافت الإعلامية:”أولا انا مش ف المستشفي الحمدلله انا بتعالج ف البيت الدور صعب اه صعب وصعب جدا حرفياًو مؤلم انا بعد ما بديت اتحسن ظهرت لي اعراض تانيه فقدان حاسه الشم والتذوق واصابه الصدر بنزله شعبيه وكحه ببلغم وقرحه ف الفم وضربات قلب سريعه ونهجان مستمر ومحظوظه بالعلاج مع الطبيب الانسان الدكتور حسام حسني محترف بيعمل كل شيء طبي وانساني عشان ينقذ مريضه ويدعمه ويطمنه “.
واختتمت:” وبقولها تاني ارجوكم ادعولنا بدل ما تحطمونا بالاشاعات السلبيه ويا رب يشفينا جميعا ويقومنا من المحنه دي ع خير.اسألكم الدعاء”.
