كتبت أميرة السمان
كشف الفنان رضا حامد عن الممثل الذي من الممكن أن يوجه له نصيحة فنية من بين النجم محمد سعد وأحمد ادم وأحمد مكي قائلا : متخيلة اني لو اديت نصيحة لواحد فيهم هيسمعها ؟ ، بس ممكن أوجه نصيحة لأحمد أدم لأني في بيني وبينه عمار ممكن اقولو على حاجات مكنش كويس فيها ميعملهاش.
وعند سؤاله عن الفنان الذي يضحكه من بين الفنانين، محمد رضوان وبيومي فؤاد ومحمد ثروت، امتنع عن هذا السؤال، مفيش حد بيضحكني غير سمير غانم.
وتحدث “حامد” عن قلة الفرص في الوسط الفني مشيرا إلي أنه يسعى للتواصل مع النقابة بشأن العمل مجددا، مقدرش اقول اني متواصلتش من النقابة تواصلت بس مع اللي ممكن يحس ويفهم مين رضا حامد يعني امبارح بالتحديد لسه مكلم دكتور أشرف زكي قالي اهلا يا استاذي أنا درست لأشرف.
وأضاف، قلتلو أنا جراند سهل جدا اشتغل قالي أنا كمان بقيت جراند قلتلوا لا أنا جراند كبير انت جراند صغير، ده اللي ممكن اكلموا بصفتو النقيب بتاعنا وإني كنت أستاذه لكن مينفعش بقي اكلم كل واحد.
وكشف عن تفاصيل محاولاته للتعاون مع عائلة السبكي: تواصلت مع السبكية لكن محمد مش موجود هنا دا اللي اشتغلت معاه كتير ، وأحمد اشتغلت معاه فيلم واحد كان هائل وكان مبسوط جدا مني وفجاة مع كتر الأعمال اللي بيعملوها نسيو رضا حامد رغم أنه كان مبهور بيا.
وتابع أهم شغلانه للنقابة أنهم يوفروا شغل، في فنانين بتعمل 8 و9 مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع، جاء ذلك خلال حواره مع الإعلامية انجي هشام في برنامج المنسي عبر قناة هي.
