كتب _ أحمد عبد العليم
نشر المؤلف حسين مصطفى محرم، تعليقا عبر صفحته على موقع التواصل الاجتماعى فيسبوك، يكذب فيه تصريحات المخرج جمال عبد الحميد عن مسلسل ريا وسكينة.
وقال حسين مصطفى محرم: “الأستاذ المخرج جمال عبد الحميد هو حضرتك عشان تعمل تريند تطلع تقول إنك اللي كتبت مسلسل ريا وسكينة، وهو حضرتك تعرف أصلا تكتب مسلسل بمستوى ريا وسكينة ولا تعرف تكتب بحرفية سيناريست كبير زي مصطفي محرم؟”.
وأضاف حسين مصطفى محرم: “ومين كان هيسمحلك؟ هل المنتج الكبير جمال العدل كان هيسمحلك؟ ولا والدى كان هيسمح إن حد يكتبله؟ ولما حضرتك شاطر أوي في الكتابة كده ليه ماشفناش أي عمل ناجح من تأليف حضرتك؟.. أستاذ جمال عبد الحميد حضرتك”……” ”.
وكان علق جمال عبد الحميد على مسلسل “ريا وسكينة” قائلا : “المسلسل كان بالنسبة لي مرفوض بعد ما شفت السيناريو، وسامي العدل قالي اقرأ الكتاب اللي مكتوب منه السيناريو، وكان للكاتب صلاح عيسى وقريته، وقابلت صلاح عيسى وهو حد مثقف ومدرك وواعي جدا الله يرحمه، وقلتله أنا هاخد الحوار وأخدت تفاصيله وعملتها مسلسل، وكتبت المسلسل بناء على اللي كاتبه صلاح عيسى، وكنت فرحان إني بعمل شغل لصلاح عيسى وأنا اللي كتبت السيناريو بتاعه للآخر.
