خرج الفنان محمد الشرنوبى عن صمته بعد صدور حكم ضد خطيبته و وكيلة أعماله السابقة المنتجة سارة الطباخ بالحبس لمدة عامين بتهمة تبديد المبالغ المالية التي في زمتها بموجب التوكيل الرسمي و خيانة الامانة.
وكتب محمد الشرنوبى عبر صفحته الرسمية على موقع التواصل الإجتماعى للصور و الفيديوهات “إنستجرام”:الحمدلله الحق ظهر..تم صدور حكم فى الجنحة رقم 1626 لسنة 2020 جنح الشيخ زايد بحبس الممثله القانونية لشركة ادارة اعمالي السابقه سنتين لتبديد المبالغ المالية التي في زمتها بموجب التوكيل الرسمي و خيانة الامانة”.
وأضاف الشرنوبى:”اظن الصوره وضحت. انا كنت ساكت و مكانش نفسي الامور توصل لكده و كنت مقرر انني مش هتكلم تاني في الاعلام بس لقيت اصرار من الطرف الاخر انه يقحم الاعلام و يشوه صورتي قدام الناس. بس لو في حد واخد حق حد فا القانون و المحكمة قالت كلمتها”.
أول تعليق من محامية المنتجة سارة الطباخ على حبسها عامين بسبب محمد الشرنوبي
وعلق الشرنوبى موضحاً :”الشركه كان صادر ليها توكيل بموجب العقد اللي بيننا لادارة اعمالي و بالتالي كانت بتتعاقد و تستلم كل مستحقاتي اللي هو الطبيعي انها تستلم و تاخد نسبتها و توردلي الباقي و ده مكانش بيحصل.
وأضاف :”الممثلة القانونيه للشركة خانت الامانة و بددت كل اموالي اللي في زمتها و اخر صلح سلمت الشركة توكيل على اساس اننا هنفتح صفحة جديدة وتعهدت انها هتسددلي كل فلوسي اللي في زمتها و ده مثبت في محضر الصلح في غرفة صناعة السينما و بالفعل نفذت المسلسل و برضه مخدتش فلوسي”.
وحذر الشرنوبى شركات الإنتاج قائلاً:”لكل شركات الانتاج برجاء عدم التعامل مع اي جهه او شخص غير من خلالي شخصيا و عدم الالتفات لاي تحذير او انذارات تصدر من الشركة لان ببساطة الهدف الوحيد هو تعطيل شغلي و تشويه صورتي و الحصول على مبالغ مادية بدون وجه حق”.
