كتبت أميرة السمان
قال الدكتور مصطفى عبد السلام، إمام مسجد الإمام الحسين رضى الله عنه، إن الله سبحانه وتعالى ينادي على عباده ٥ مرات فى اليوم فجر ظهر عصر مغرب عشاء، لافتا إلى أن العبد عليه أن يترك ما فى يده ولا ينشغل باى أمر.
وأوضح عبد السلام: “متخيل مين اللى بينادى عليك ده ربنا الصلاة كانت على المؤمنين كتابا موقوتا ودى احب الأعمال إلى الله سبحانه وتعالى”.
واستكمل: “بين الصلوات تتعرض لنفسية ليست كويسة، والصلاة تيجى تغسل كل ما حدث لك، علشان كده اوعى تفرط فى صلاتك”، جاء ذلك خلال حلقة برنامج “وذدناهم هدى”، المذاع على فضائية “الناس”، مساء اليوم السبت.
وفي سياق آخر قال الدكتور علي جمعة، مفتي الديار المصرية السابق، إن التسامح والعفو والصفح. يعتبر قضية كبيرة فى حياة ناس كثيرة. يصعب عليهم التسامح، لما وجدوا في قلبهم حزنا لما وقع عليهم من أذيه وزعل ولا يستطيعون المسامحة.
وقال الدكتور علي جمعة، مفتي الديار المصرية السابق، خلال حلقة برنامج “نور الدين”، المذاع على قنوات الشركة المتحدة، اليوم السبت: “هذه القضية يشكو الكثير منها خاصة الشباب اوالاطفال فى بداية عمرهم، لأنهم بيضرروا من اللى بيحصل، لان فى ما بينهم احتكاك وتلاقى شتائم ومعايرة في الطول والقصر.
وتابع: “ممكن يكون أتنين انتيم وواحد يقول على سبيل الهزار والفرفشة يقول كلمة فيها معايرة وتنمر وإساءة وبعض الشباب يأخذوها ببساطة ويفكرها هينة وهو عند الله عظيم، ده ربنا أمرنا نقول للناس حسنى قبل الأمر بالصلاة اللي هي ركن الدين”.
وأضاف: “طيب لو انت مش قادر تسامح، سامح فى الظاهر، وهذا ليس نفاق وإنكا ده من كتم الغيظ حتى لا يتطور الموقف الى مشاجرة، دى أول المرحلة، كظمت الغيظ فى قلبي ولم يطلع على يدى، ده درجة من درجات القرب والاحسان الى الله، فالقران بعد كظم الغيظ يقولك والعافين عن الناس وده لمصلحتك علشان تجمع درجات مع الله، وكمان والله يجب المحسنين، والله لو عملنا كده الدنيا كلها هتحب بعضها”.
