كتبت-شيماء عبدالسلام
جائت ردود الأفعال سريعة و قوية على أول مسلسل تم عرضه على الشاشات و هو مسلسل “المداح” للنجم حمادة هلال.
و نشرت إحدى رواد موقع التواصل الإجتماعي “فيسبوك”، عدة صور من المسلسل، و علقت قائلة:”النهاردة اول حلقة من مسلسل المداح ، حمادة هلال طالع شيخ عنده بصيرة من صغره و بيساعد الناس في دفع الاذى عنهم ، جاله تليفون ان في عروسة اول ما طلعت شقتها بدأت تصرخ و تقطع هدومها و محدش عارف يتعامل معاها لما وصل و قرأ عليها قرآن عرف ان معمولها سحر عشان جوزها يخاف منها و يسيبها و ان اللي عاملالها السحر ده و دفناه في تربة هي قريبتها اللي واقفة تهديها ، و قال كلمة صح جدا لجوزها لما عرف ، قاله دايما الاذى بيجي من القريبين عشان هما اقرب ايد لينا و تقدر تطولنا ..
المشهد ده الصناع قالولي انه حقيقي جدا و كمان بنشوفه بيتكرر كل يوم فحقيقي ربنا يؤذي المؤذي “.
مسلسل المداح بطولة كل من حمادة هلال، أحمد بدير، نسرين طافش، خالد سرحان، محمد عز، جمال عبد الناصر، دنيا عبد العزيز، حنان سليمان، محسن منصور، محمد الصاوي، هادي خفاجي، تامر شلتوت، صبحي خليل، عبير فاروق، محمود عامر، هايدي رفعت، بسمة ماهر، تأليف أمين جمال، وليد أبو المجد، شريف يسري إخراج أحمد سمير فرج.
