كتبت أميرة السمان
دخل المطرب أحمد شيبة، في حالة بكاء شديد على الهواء، وذلك أثناء الحديث عن مصر وتوصية والدته الراحلة، بالمشاركة في الأغاني الوطنية، بعيد الشرطة كل عام.
وقام شيبة، بتشغيل فيديو لـ والدته الراحلة، وهي تدعي له، وتوصيه بـ حب الخير لـ الجميع، والوقوف بجوار الفقراء، معلقًا ” أمي وحشاني، وربنا يسامحها ويغفر لها، ويجعلها من أهل الجنة”.
وأضاف، أن والدته لا تفارقه ولا يوم، وهي معه في كل مشوار حياته بعد الوفاة.
وأوضج أنه يحب مصر، ويعشق تراب الوطن، وأنه يتمنى بالمشاركة في الأغاني الوطنية التي تعرض، في احتفالية عيد الشرطة كل عام، جاء ذلك خلال حواره ببرنامج كلبش، تقديم الإعلامي حسن محفوظ، المذاع على قناة الشمس، مساء اليوم السبت.
**حمو بيكا: لو اجتمعت مع حسن شاكوش وعمر كمال في أغنية مش هيبقى فيه حد على الساحة
وفي سياق آخر وجه مؤدي المهرجانات الشعبية حمو بيكا لزملائه منهم مؤدي المهرجانات الشعبية حسن شاكوش وعمر كمال، مشيرًا إلى أنهم إذ اجتمعوا في أغنية واحدة سيحققوا نجاحًا كبيرًا.
وقال حمو بيكا خلال استضافته مع الإعلامي هيثم بسّام في برنامج ورقة في ملف على قناة النهار: إحنا لو اجتمعنا إحنا التلاتة مش هيبقى فيه حد على الساحة لو مكنتش هتزلزل العالم بحق، أنا بقولهم إحنا لو اجتمعنا في أغنية، مصر مش هتسمع غيرنا تاني، إحنا عملنا أغاني كتير ناجحة ومنها شمس المجرة وصاحبي ده دراعي.
أما عن خلافاته السابقة معهم، أردف حمو بيكا: ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم.
وأضاف: كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع.
كما وجه رسالة لكل منتقدي الاحتفال بسبوع ابنته، قائلًا: ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته.
واختتم حمو بيكا حديثه، قائلًا: أجري ورا حلمك عشان توصل، واشقى فيه، فيه ناس عاوزة يروحلها الرزق لحد البيت.
