كتبت أميرة السمان
كشفت الإعلامية ياسمين عز مراحل تطور العروسة من نسمة لـ طلع بتاع أمه.
وقالت عز: “ليه مش عايزة حماتك تنزل تختار الفرش معاكي؟ .. مش واثقة في ذوق أم خطيبك حبيبك اللي مخبياه من صحباتك البنات!!”.
وتابعت، “يوم ما تروح مامت العريس اول مرة تطلب ايديها تكون البنت نسمة.. وحاضر ياطنط، تمام ياطنط.. والكلام يطلع لجوا.. وفي اللي إياها ليلة العفش، تتصل عليه تقولو أنا محدش ينقيلي عفشي، أنا هتجوزك انت مش امك، وتقفل وتعملها بلوك ويتصل ماتردش، يكلم مامتها تقولو أصلها نايمة أو قافلة اوضتها زعلانة وهي ولا زعلانة ولا حاجة دي بتاكل ساندوتش جبنه رومي ومج النسكافيه الليتر ونص، صدقني انا”.. وذلك حسب قولها.
وكانت الإعلامية ياسمين عز رجاء طلبت، طلب عاجل على الهواء مباشرة، قائلة، لو طالب أوردر استوصي بعامل الديليفري خيرا.. اديله من خيرك هتلاقي على وشه فرحة بالدنيا وما فيها.. ما نقص مال من صدقة.
وأوضحت عز “،: “تعامل مع عامل الديليفري بإنسانية واديله من خيرك ده شخص ربنا بعته لحد باب بيتك تصدق عليه مفيش أسهل من كده”
وأكملت، “ده رجاء ليا عند المشاهدين في ظل الظروف اللي بنمر بيها على المستوى الاقتصادي من جانب ومن جانب آخر أن عامل الديليفري البسيط بيكون جايلك في وقت صعب جداً لو كان بالليل”.
وأضافت:” الصدقة تقع في أيد ربنا قبل وقوعها في أيد مستحقيها، متابعة:” تصدقوا وهتشوفوا كرم ربنا قد أيه”، جاء ذلك خلال حلقة برنامجها “كلام الناس” والمذاع عبر قناة “ام بي سي مصر.
يذكر أن الفنانة الكبيرة لمياء الأمير وأسرار وقصص وتفاصيل تحكيها لأول مرة عن حياتها الفنية والشخصية، الليلة في ضيافة ياسمين عز وبرنامج كلام الناس .. السادسة مساء على ام بي سي مصر.
