كتب- أحمد عبد العليم
تحدثت المطربة اللبنانية مايا دياب عن عمليات التجميل، التي أجرتها، كما حدثت عن الرجل، وتطرقت بالحديث عن انتقادات السوشيال ميديا.
وقال مايا دياب: سر استمار جمال هو عمليات التجميل، و البنات اللي بتعمل عمليات تجميل بنات حلوة وأنا منهم كنت حلوة وبعد العمليات بقيت أحلى.
وتابعت: بقينا نشوف فنانين مثاليين شكليا لدرجة إن شكلهم لعبة، ودول فوتوشوب حتى جلدهم مش حقيقي.
وأضافت: الجميع بيعمل عمليات تجميل وأنا لسة بعمل وبفتخر وبلاقي نفسي أحلى ودا اهتمام بالنفس، وده عصر الكارديشيانز وسموه عصر مايا دياب.
واستكملت: الانتقادات اللاذعة بتكون من النساء لأن الست معندهاش قدرة مادية أو قمع من جوزها وعيلتها، وبتغير من الست الحلوة ودي حقيقة لازم أقولها، أما الراجل بنلاقيه قاعد مع مراته وبيبص على الست اللي عاملة عمليات تجميل.
وأردفت: معظم الأمهات بيخافوا من أزواجهم ودا مينفعش لازم الأم تكون لها رأي ولكنها بتخاف زوجها يطلقها، فلازم تتكلم مع الراجل وتتفاهم معه.
كما وصفت الراجل الذي لا يستطيع أن يتكفل بمصاريف زوجته، وعلقت: لو الراجل مابيصرفش على مراته في التطورات اللي العالم أصبح فيها أكيد هيخلي العلاقة الزوجية ماتستمرش، احنا كبرنا على أن الراجل أو الأب هو المسؤول عن مصروفات البيت.
وعن انتقادات السوشيال ميديا قالت مايا دياب: السوشيال ميديا مش بس فيها أشياء سلبية، كمان فيها أشياء إيجابية بتخلينا نغير من القصص الحلوة والإيجابية ونعمل زيها.
كما تحدثت الفنانة اللبنانية مايا دياب عن أحلام طفولتها وفائدة الصعوبات التي واجهتها في مشوارها الفنيحيث قالت مايا دياب: “وأنا صغيرة كنت لما بشوف التلفزيون وأقول إني عاوزة أكون في قلب الشاشة، ولكن ده من غير هدف معين، ولما كبرت تحقق الحلم وعرفت أني ماشية بالطريق اللي بيشهبني وبحبه، ولولا الصعوبات ما وصلت لأحلامي”.
كشفت مايا دياب عن تفاصيل تخص حياتها الشخصية، فقالت: “أنا من عيلة لبنانية محافظة وأمي نموذج لكل الأمهات العربيات سريعة البكاء بتمشي بلقبها مع الأمور وحساسة وبتتعب كتير في حياتها.. إحنا تلات بنات وصبي ولا واحد فينا يشبه التاني، وأنا قررت ما أكون زي أمي مع احترامي لها أنا بعبدها ولكني قررت ما أكون مثلها”.
