كتبت أميرة السمان
شارك الفنان كريم فهمي جمهوره ومتابعيه عبر حسابه الرسمي على موقع التواصل الاجتماعي فيس بوك منشور جديد بشأن حلقة اليوم من “أزمة منتصف العمر”.
وقال “فهمي” خلال منشوره: “النهارده اخر حلقه من مسلسل أزمة منتصف العمر ، رحلة طويلة مع كريم العدل سواء كتابة أو تحضير للشخصية اللي بشكره علي كل حاجة.
وتابع كريم فهمي: شكرا لأحمد عادل علي القصة، رحلة طويلة مع النجوم الابطال اللي بشكرهم واحد واحد بجد بقولهم إني بحبهم جدا وكل واحد حب شخصيته في المسلسل وصدقها.
وأضاف شكرا للانتاج اللي ادانا الحرية للشغل الأستاذ صادق الصباح و صديقي و اخويا انور صادق الصباح و طبعا طبعا شكرا شاهد المنصة الكبيرة.
وتابع شكرا لكل المشاهدين اللي وصلوا المسلسل لنجاح كبير اوي اوي و شكرا علي اللي انتقد المسلسل بكل احترام وأدب ، مسلسل أزمة منتصف العمر تجربه بحبها و مهمه بالنسبالي صفحته هتنتهي النهارده و جاري البحث عن تقديم الجديد و المختلف.
وأختتم منشوره قائلا: شكرا لأهم عنصر في الصناعه شكرا للجمهور ( حلقة النهارده الاخيره اهداء لاستاذ كبير هتعرفوه قبل الحلقه بساعة).
https://www.instagram.com/p/CpAOnwXIxLs/?igshid=NmE0MzVhZDY=
