«شفنا كابوس واحنا صاحيين».. شاهد عيان يروي لـ«الموقع» تفاصيل لحظات الرعب في حريق مديرية أمن الإسماعيلية

كتبت- دعاء رسلان

لحظات من الرعب والقلق، عاشها أهالي الإسماعيلية على كل الموجودين في مديرية الأمن، التي نشب بها حريق ضخم تسبب في دمارها بالكامل في الساعات الأولى من صباح اليوم الاثنين، ما تسبب في وقوع عدد من المصابين، بالإضافة الحريق الكامل لمديرية الأمن.

وسط مشاهد الدموع والصراخ والمساعي لإنقاذ المصابين من الحريق، وصف عمر خليفة، أحد أبناء الإسماعيلية، وأحد المنقذين للمصابين في حريق مديرية أمن الإسماعيلية، ما حدث بـ”الكابوس”، قائلا: “والله شفنا كابوس واحنا صاحيين”.

نرشح لك : الصحة تكشف لـ«الموقع» عدد المصابين في حريق مديرية أمن الإسماعيلية

وأوضح أن شباب الإسماعيلية ورجالها ضربوا أروع الأمثلة في المساعدة لإنقاذ كل شخص كان بداخل مديرية الأمن، قائلا: “أهالي الإسماعيلية وشبابها الأبطال اللي محدش فينا كان واقف لمجرد أنه يتفرج كله كان قالع هدومه وأنا واحد منهم وكله كان في قلب الحريق وبيطلعوا المصابين”.

واستطرد: “كنا بنجمع 10 أو 15 واحد بملايه عشان الناس اللي بترمي نفسها من فوق من كتر اللي هما شافوه..

واستكمل: “أنا بحكي الكلام ده وأنا شاهد عيان من قلب المديرية جوا انا و شباب كتير اوي منهم صحابي اللي شوفتهم بالصدفة و منهم ناس معرفهاش ومنهم أخ ليا أنا شوفته، كان شايل عسكري على ضهره لوحده وطالع به من قلب النار”.